களுத்துறை, கட்டுகுருந்த பகுதியில் நேற்றிரவு நடாத்தப்பட்ட துப்பாக்கிப் பிரயோகத்தில் ஒருவர் உயிரிழந்துள்ளார்.
மோட்டார் சைக்கிளில் வருகை தந்த அடையாளம் தெரியாத இருவர் இந்த துப்பாக்கிப் பிரயோகத்தை நடாத்தியுள்ளதாக பொலிஸார் தெரிவித்துள்ளனர்.
கட்டுகுருந்த புகையிரத நிலைய வீதியிலுள்ள வீடொன்றிற்குள் இருந்த நபர் ஒருவரை இலக்கு வைத்தே இந்த துப்பாக்கிப் பிரயோகம் நடாத்தப்பட்டுள்ளது.
வு56 ரக துப்பாக்கியை பயன்படுத்தி துப்பாக்கிப் பிரயோகத்தை நடாத்தியுள்ளமை விசாரணைகளில் தெரிய வந்துள்ளதாக களுத்துறை பொலிஸார் தெரிவித்துள்ளனர்.
எனினும், துப்பாக்கிப் பிரயோகம் நடாத்தப்பட்டமைக்கான காரணம் இதுவரை கண்டறியப்படாத நிலையில், களுத்துறைப் பொலிஸார் மேலதிக விசாரணைகளை ஆரம்பித்துள்ளமை குறிப்பிடத்தக்கது.
