2024 ஆம் ஆண்டுக்கான தரம் 5 புலமைப்பரிசில் பரீட்சைக்கான விண்ணப்பங்கள் இன்று முதல் ஏற்றுக்கொள்ளப்படும் என பரீட்சைகள் திணைக்களம் அறிவித்துள்ளது
இதன்படி எதிர்வரும் ஜூன் மாதம் 14ஆம் திகதி வரை இணையமூடாக விண்ணப்பங்களை சமர்ப்பிப்பதற்கு காலஅவகாசம் வழங்கப்பட்டுள்ளதாக பரீட்சைகள் ஆணையாளர் நாயகம் அமித் ஜயசுந்தர தெரிவித்துள்ளார்
இதேவேளை விண்ணப்பங்களை சமர்ப்பிப்பதற்கான காலஅவகாசம் நீடிக்கப்பட மாட்டாது எனவும் பரீட்சைகள் ஆணையாளர் நாயகம மேலும் தெரிவித்துள்ளார்.
விண்ணப்பம் தொடர்பான அறிவுறுத்தல்களை www.onlineexams.gov.lk எனும் இணையத்தளத்திற்கு பிரவேசிப்பதன் ஊடாக பெற்றுக்கொள்ள முடியும் எனவும் குறிப்பிடப்பட்டுள்ளது
2024, ஆம் ஆண்டுக்கான தரம் 5 புலமைப்பரிசில் பரீட்சை செப்டம்பர் 15 ஆம் திகதி நடைபெறவுள்ளமை குறிப்பிடத்தக்கது.
