T20 உலகக் கிண்ண கிரிக்கட் போட்டியில் கலந்து கொண்ட இலங்கை கிரிக்கெட் அணி இன்று (புதன்கிழமை) காலை இலங்கை வந்தடைந்துள்ளது.
அதன்படி அங்கு ஊடகங்களுக்கு கருத்து தெரிவித்த இலங்கை T 20 கிரிக்கெட் அணியின் தலைவர் வனிந்து ஹசரங்க, வீரர்கள் சரியாக விளையாடாததால் இந்த இருபதுக்கு 20 கிரிக்கெட் போட்டியில் இருந்து விலக நேரிட்டது என்றும் அணித் தலைவர் மற்றும் வீரர் என்ற ரீதியில் வருந்துவதாக ஹசரங்க தெரிவித்துள்ளார்.
அத்துடன் வீரர்களாகிய நாங்கள் என்ன தவறு செய்தோம் என்பது எங்களுக்குத் தெரியும். வீரர்களாக நாங்கள் சிறப்பாக விளையாடவில்லை, துடுப்பாட்டம், களத்தடுப்பு மற்றும் பந்துவீச்சு ஆகியவற்றில் நாங்கள் ஒரு அணியாக சிறப்பாக செயல்படவில்லை என அவர் கூறினார்.
இதேவேளை, இலங்கை கிரிக்கெட் அணியினா் சாதாரண பயணிகள் முனையம் வழியாக வெளியே வந்திருந்தமையும் குறிப்பிடத்தக்கது.
