வருடாந்த கதிர்காம யாத்திரை நேற்று குமண தேசிய வனப் பூங்காவின் ஒகந்த தேவாலயத்திற்கு அருகில் ஆரம்பமானது.
இந்த பாதயாத்திரையானது குமண யால தேசிய வனப் பூங்கா ஊடாக சுமார் 79 கிலோமீற்றர் பயணித்து கதிர்காமம் ஆலயத்தை சென்றடைகின்றது.
வருடாந்தம் நடைபெறும் இந்நிகழ்வில் கலந்துகொள்வதற்காக பெருமளவிலான பக்தர்கள் வருகை தருவதால் அவர்களின் பாதுகாப்பை உறுதி செய்வதற்காக இராணுவத்தினர் கடமையில் ஈடுபடுத்தப்பட்டுள்ளதாகத் தெரிவிக்கப்படுகின்றது.
அத்துடன் இராணுவத் தளபதியின் பணிப்புரையின் பிரகாரம் பக்தர்களுக்கு நீர் மற்றும் சுகாதார வசதிகளை வழங்க இராணுவத்தினரால் ஏற்பாடுகள் செய்யப்பட்டுள்ளதாகவும் தெரிவிக்கப்படுகின்றது.
