மட்டக்களப்பு மாவட்டத்தின் பிரசித்திபெற்ற பெரியகல்லாறு அருள்மிகு ஸ்ரீ சிவசுப்ரமணியர் ஆலயத்தின் வருடாந்த தேர்த உற்சவம் இன்று (21) வெகுவிமர்சையாக நடைபெற்றது.
கடந்த 12ஆம் திகதி கொடியேற்றத்துடன் வருடாந்த மஹோற்சவம் ஆரம்பமானது. பத்து தினங்கள் நடைபெற்ற ஆலயத்தின் வருடாந்த மஹோற்சவத்தில் இன்றைய தினம் தேர் உற்சவம் நடைபெற்றது.
இன்று காலை வசந்த மண்டபத்தில் ஆறுமுகப்பெருமானுக்கு விசேட பூஜைகள் நடைபெற்று ஊர்வலமாக தேரடிக்கு கொண்டுவரப்பட்டார்.
தேர் உற்சவத்தினை தொடர்ந்து சுவாமி பச்சையினால் அலங்கரிக்கப்பட்டு ஆலயத்திற்கு கொண்டுசெல்லப்பட்டு சிறப்பு ஆபிசேகமும் பூஜையும் நடைபெற்றது. இன்றைய தேர் உற்சவத்தில் மட்டக்களப்பு மாவட்டத்தின் பல்வேறு பகுதிகளிலுமிருந்து பெருமளவான அடியார்கள் கலந்துகொண்டனர்.
நாளைய தினம் காலை முருகப்பெருமானின் தீர்த்தோற்சவம் பெரியகல்லாறு இந்து மகா சமுத்திரத்தில் நடைபெறவுள்ளது.
