பிரான்ஸ் தலைநகர் பாரிஸில் (Paris) ஒலிம்பிக் போட்டிகள் நடைபெற்று வரும் நிலையில், மொத்தம் 200க்கும் மேற்பட்ட நாடுகளைச் சேர்ந்த பல ஆயிரக்கணக்கான வீரர், வீராங்கனைகள் குறித்த போட்டிகளில் பங்கேற்றுள்ளனர்.
இதில், டென்னிஸ் ஆண்கள் ஒற்றையர் பிரிவு இறுதிப் போட்டியில் ஸ்பெயின் வீரர் கார்லோஸ் அல்காரஸ் உடன் செர்பிய வீரர் நோவக் ஜோகோவிச் (Novak Djokovic) முதன்முறையாக ஒலிம்பிக் இறுதிப் போட்டிக்கு முன்னேறியுள்ளார்.
அரையிறுதி போட்டியில் கனடா வீரர் பெலிக்ஸ் ஆகரை 6-1, 6-1 என்ற நேர் செட்களில் எளிதில் வென்று கார்லோஸ் அல்காரஸ் இறுதிச்சுற்றுக்கு முன்னேறியுள்ளாா்.
மற்றொரு அரையிறுதி போட்டியில் இத்தாலியின் லோரென்சோ முசெட்டியை 6-4> 6-2> என்ற நேர் செட்களில் வென்று நோவக் ஜோகோவிச் இறுதிசுற்றுக்கு முன்னேறியுள்ளார்.
25 க்ராண்ட் ஸ்லாம் பட்டங்களை வென்றுள்ள ஜோகோவிச் முதன்முறையாக ஒலிம்பிக் இறுதி போட்டிக்கு முன்னேறியுள்ளார்.
இந்த ஆண்டின் தொடக்கத்தில், விம்பிள்டன் தொடரின் இறுதிப் போட்டியில் அல்கராஸிடம் நேர் செட்களில் ஜோகோவிச் தோல்வியடைந்தார்.
இந்நிலையில் ஒலிம்பிக் இறுதிப் போட்டியில் அல்காரஸை ஜோகோவிச் வெற்றி கொள்வாரா என டென்னிஸ் இரசிகர்கள் ஆர்வத்துடன் உள்ளமையும் குறிப்பிடத்தக்கது.
