ஐ.சி.சி. சிறந்த கிரிக்கெட் வீரருக்கான விருதுக்கு இந்தியாவின் வாஷிங்டன் சுந்தர் பரிந்துரை செய்யப்பட்டுள்ளார்.
சர்வதேச கிரிக்கெட் சார்பில் ஒவ்வொரு மாதமும் சிறப்பாக செயல்படும் வீரர், வீராங்கனைகளுக்கு விருதுகள் வழங்கி வைக்கப்பட்டுள்ளன.
அதன்படிஈ ஜூலை மாதத்திற்காக சிறந்த வீரர் விருதுக்கான பரிந்துரை பட்டியல் வெளியானது.
அதில் தமிழக ஆல்-ரவுண்டர் வாஷிங்டன் சுந்தர் இடம் பெற்றுள்ளார்.
இவர் சிம்பாப்வேக்கு எதிரான 5 போட்டிகள் கொண்ட வு20 தொடரில் 8 விக்கெட் வீழ்த்தியுள்ளதுடன், இதன்மூலம் தொடர் நாயகன் விருதை தட்டிச் சென்றார்.
அ;த்துடன், கண்டி பல்லேகெலேயில் நடைபெற்ற இலங்கைக்கு எதிரான 3 வது T 20 போட்டி சமநிலையடைந்த நிலையில் ‘சூப்பர் ஓவரில்’ சிறந்த ஆட்டத்தை வெளிப்படுத்தி ஆட்ட நாயகன் விருதை கைப்பற்றியுள்ளார்.
இதேவேளை, இந்தப் பட்டியலில் இங்கிலாந்தின் அட்கின்சன், ஸ்கொட்லாந்தின் சார்லி கேசல் இடம் பெற்றுள்ளனர்.
இதேவேளை, சிறந்த வீராங்கனைக்கான பரிந்துரைப்பட்டியலில் ஆசிய கோப்பையில் அசத்திய இலங்கை மகளிர் அணியில் தலைவர் சமாரி அத்தபத்து, இந்தியாவின் ஸ்மிருதி மந்தனா மற்றும் ஷபாலி வர்மா இடம் பிடித்துள்ளனர்.
