நியூயோர்க் நகரில் நடைபெற்று வரும் அமெரிக்க ஓபன் டென்னிஸ் தொடரில் இகா ஸ்வியாடெக் (Iga Swiatek) காலிறுதிச் சுற்றுக்கு முன்னேறியுள்ளார்.
அமெரிக்க ஓபன் டென்னிஸ் தொடரில் பல முன்னணி வீரர் மற்றும் வீராங்கனைகள் பங்கேற்றுள்ளனர்.
அந்தவகையில் இன்று நடைபெற்ற பெண்கள் ஒற்றையர் பிரிவின் 4வது சுற்று (ரவுண்ட் ஒப் 16) ஆட்டம் ஒன்றில் முன்னணி வீராங்கனையான போலந்தின் இகா ஸ்வியாடெக், ரஷ்யாவின் லியுட்மிலா சாம்சோனோவா உடன் மோதினார்.
இந்த ஆட்டத்தில் ஆரம்பம் முதலே சிறப்பாகச் செயற்பட்ட இகா ஸ்வியாடெக் 6-4, 6-1 என்ற நேர் செட் கணக்கில் லியுட்மிலா சாம்சோனோவாவை வீழ்த்தி காலிறுதிக்கு முன்னேறினார்.
இதேவேளை நாளை நடைபெறும் காலிறுதிப் போட்டியில் இகா ஸ்வியாடெக் அமெரிக்காவின் ஜெசிகா பெகுலா உடன் மோதவுள்ளார் என்பதும் குறிப்பிடத்தக்கது.
