வறட்சியான காலநிலை காரணமாக, காட்டுத் தீ பரவுவதாக தகவல்கள் வெளியாகியுள்ளன.
பதுளை ஹிகுருகமுவ சரணாலயத்தில் ஏற்பட்ட தீயினால் 10 ஏக்கருக்கும் அதிகமான நிலப்பரப்பு எரிந்துள்ளதாக பொலிஸார் தெரிவித்துள்ளனர்.
அதன்படி அனர்த்த முகாமைத்துவ நிலையம், பொலிஸார் மற்றும் பிரதேசவாசிகள் இணைந்து இன்று அதிகாலை தீயை கட்டுப்படுத்த நடவடிக்கை எடுத்துள்ளனர்.
மேலும் வெல்லவாய கொட்டவெஹெரகல காப்புக்காட்டில் நேற்றிரவு ஏற்பட்ட தீ கட்டுப்பாட்டுக்குள் கொண்டுவரப்பட்டுள்ளதாகவும் விலங்குகளை வேட்டையாடும் நோக்கில் சிலர் தீ வைப்புகளை மேற்கொண்டு வருவதாகத் தெரிவிக்கப்படுகிறது.
