எதிர்வரும் நாடாளுமன்றத் தேர்தலில் ஐக்கிய மக்கள் சக்தியின் தேசியப் பட்டியல் கோரி பெறப்பட்ட கோரிக்கைகளின் எண்ணிக்கை அதிகரித்துள்ளது.
இந்நிலையிலேயே தேசியப்பட்டியலில் இருந்து அல்லாமல் போட்டியிட்டு வெற்றி பெற்று நாடாளுமன்றத்திற்கு வருமாறு கட்சித் தலைமை பலரை அறிவித்துள்ளது.
இந்த நிலையில் அடுத்த நாடாளுமன்றத் தேர்தலில் தேசியப்பட்டியலில் இருந்து நாடாளுமன்றத்துக்கு வரலாம் என்று எதிர்பார்த்த லக்ஷ்மன் கிரியெல்லவும் குறித்த நெருக்கடிக்கு உள்ளாகியுள்ளதாகத் தெரிவிக்கப்பட்டுள்ளது.
அதற்குக் காரணம், இந்த ஆண்டு நடைபெறவுள்ள நாடாளுமன்றத் தேர்தலில் அவரது மகளும் போட்டியிடும் நம்பிக்கையில் இருப்பதுதான்.
லக்ஷ்மன் கிரியெல்ல தேசிய பட்டியலிலிருந்து நாடாளுமன்றத்திற்கு பரிந்துரைக்கப்பட்ட பின்னர் கண்டி மாவட்டத்தில் போட்டியிடுவதே அவரது அசல் திட்டம் எனக் கூறப்படுகின்றது.
ஆனால் அண்மைய நிலவரத்தின் அடிப்படையில் தாம் நாடாளுமன்ற தேர்தலில் போட்டியிட விரும்புவதாக லக்ஷ்மன் கிரியெல்ல தெரிவித்திருந்த நிலையில் தேசியப்பட்டியல் கிடைக்காவிடின் அரசியலில் இருந்து ஓய்வு பெற வேண்டிய நிலை அவருக்கு ஏற்படும் எனவும் தெரிவிக்கப்படுகின்றது.
