ஒல்லாந்தர் காலத்து VOC எழுத்து பொறிக்கப்பட்ட கேடயம் மற்றும் இரண்டு நாணயங்களை 20 இலட்சம் ரூபாவுக்கு விற்பனை செய்த குற்றச் சாட்டில் கினிகத்தேனை பிரதேசத்தைச் சேர்ந்த ஒருவரை ஹட்டன் பொலிஸார் கைது செய்துள்ளனர்.
மேலும் குறித்த பொருட்களின் உண்மையான பெறுமதி தொடர்பில் அறிவதற்காக அப்பொருட்கள் தொல்பொருள் திணைக்களத்திற்கு அனுப்பிவைக்கப்பட்டுள்ளதாகவும் தெரிவிக்கப்பட்டுள்ளது.
இதேவேளை கைது செய்யப்பட்ட சந்தேகநபர் (17) இன்று ஹட்டன் நீதவான் நீதிமன்றில் ஆஜர்படுத்தப்படவுள்ளார் எனவும் தெரிவிக்கப்பட்டுள்ளது.
VOC என்பது ஒல்லாந்தர் கால ‘கிழக்கிந்திய கம்பனி’ எனும் பெயரைக் குறிக்கும் சுருக்கக் குறியீடாகும். இந் நாணயம் 1732 ஆம் ஆண்டு பொறிக்கப்பட்டுள்ளமை குறிப்பிடத்தக்கது.
