பொதுபல சேனா அமைப்பின் செயலாளர் கலகொட அத்தே ஞானசார தேரர் சார்பில் சமர்ப்பிக்கப்பட்ட பிணை கோரிக்கையை கொழும்பு, மேலதிக நீதிவான் இன்று (09) நிராகரித்தார்.
இஸ்லாம் மதத்தை அவதூறு செய்யும் வகையில் அவதூறு பேசியமைக்காக ஞானசார தேரருக்கு 09 மாத சிறைத்தண்டனை விதித்து கொழும்பு நீதிவான் நீதிமன்றம் இன்று தீர்ப்பளித்துள்ளது.
தண்டனைக்கு எதிராக அவர் மேன்முறையீட்டு மனுவை தாக்கல் செய்துள்ளதால், மேன்முறையீட்டு மனு விசாரணை செய்யப்பட்டு இறுதித் தீர்மானம் அறிவிக்கப்படும் வரை ஞானசார தேரரை பிணையில் விடுவிக்குமாறு அவரது சட்டத்தரணிகள் இந்த பிணை கோரிக்கையை சமர்ப்பித்திருந்தனர்.
எனினும், அந்த கோரிக்கையை கொழும்பு, மேலதிக நீதிவான் பசன் அமரசேன நிராகரித்தார்.
