மஹாராஷ்டிராவில் இன்று அதிகாலை இடம்பெற்ற வீதி விபத்தில் 5 பேர் உயிரிழந்துள்ளதுடன் 20க்கும் மேற்பட்டோர் படுகாயம் அடைந்துள்ளனர்.
மஹாராஷ்டிராவின் புல்தானா மாவட்டத்தில், ஷேகான்-காம்கான் நெடுஞ்சாலையில் வேகமாக வந்த காரொன்று பயணிகள் பேருந்து மீது மோதி விபத்துக்குள்ளானது. இதேவேளை பின்னால் இருந்து வந்த தனியார் பேருந்தொன்றும் ஏற்கனவே சேதமடைந்த வாகனங்கள் மீது மோதியது.
இவ்விபத்தில் 5 பேர் உயிரிழந்துள்ளதோடு 20க்கும் மேற்பட்டோர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளதாகத் தெரிவிக்கப்பட்டுள்ளது.
இந்நிலையில் படுகாயமடைந்தவர்களில் சிலரது நிலைமை கவலைக்கிடமாக உள்ளதால் உயிரிழப்புகளின் எண்ணிக்கை அதிகரிக்க வாய்ப்பு உள்ளதாகத் தெரிவிக்கப்பட்டுள்ளது.
மேலும் இவ்விபத்தில் சிக்கிய 3 வாகனங்களும் கடுமையாக சேதம் அடைந்துள்ளதாகவும், இவ்விபத்தினையடுத்து நெடுஞ்சாலையில் பல மணி நேரம் போக்குவரத்து பாதிக்கப்பட்டது எனவும் தெரிவிக்கப்பட்டுள்ளது.
இந்நிலையில் இது குறித்து பொலிஸார் வழக்குப்பதிவு செய்து விசாரணை நடத்தி வருகின்றனர்.
