இந்தியாவின் இரத்தினம் என்று பிரபலமாக அழைக்கப்படும் இந்திய மாநிலம் எது என்று உங்களுக்குத் தெரியுமா?
மிதக்கும் ஏரிகள், அரியவகை வன விலங்குகள், அழகான நடனங்கள் மற்றும் துடிப்புமிக்க திருவிழாக்கள் என இங்கு மறைந்து கிடக்கும் அதிசயங்கள் ஏராளம்.
வடகிழக்கில் உள்ள மயக்கும் நிலமான மணிப்பூர் இந்தியாவின் இரத்தினம் என கூறப்படுகிறது.
இதன் அற்புதமான நிலப்பரப்புகள், துடிப்பான கலாச்சாரம் அனைவரையும் நிச்சயமாக மயக்கும்.
இயற்கை அழகு மற்றும் வளமான பாரம்பரியங்களுக்குப் பெயர் பெற்ற மணிப்பூர், உண்மையிலேயே அதன் பிரகாசமான புனைப்பெயருக்கு ஏற்ப உள்ளது.
வடகிழக்கு இந்தியாவின் மிகப்பெரிய நன்னீர் ஏரியான லோக்தக் ஏரி மணிப்பூரில்தான் உள்ளது.
இந்த ஏரியை மற்றவற்றிலிருந்து அசாதாரணமாக்குவது என்னவென்றால், தண்ணீரில் மிதக்கும் தாவரங்களின் தீவுகளான ஃபும்டிஸ் ஆகும்.
இந்தத் தீவுகள் ஒரு மாயாஜால காட்சியை உருவாக்குவது மட்டுமல்லாமல், மீன்பிடித்தல் மற்றும் விவசாயத்திற்காக ஏரியைச் சார்ந்திருக்கும் உள்ளூர் சமூகங்களுக்கும் உதவியாக இருக்கிறது.
பசுமையான மலைகள், சீறிப் பாயும் ஆறுகள் மற்றும் அமைதியான பள்ளத்தாக்குகளுடன், அமைதியை விரும்பிவரும் இயற்கை ஆர்வலர்களுக்கும், வனவிலங்கு ஆர்வலர்களுக்கும் சொர்க்கபுரியாக மணிப்பூர் திகழ்கிறது.
மணிப்பூர் வெறும் இயற்கை அழகிற்காக மட்டும் புகழப்படுவதில்லை. மாறாக அது ஒரு கலாச்சார சக்தி மையமும் கூட. இந்த மாநிலம் மணிப்பூரி நடனத்திற்குப் பிரபலமானது.
இது அதன் நுட்பமான கை அசைவுகள் மற்றும் அழகான நடன அசைவுகளுக்குப் பெயர் பெற்ற பாரம்பரிய வடிவமாகும்.
மணிப்பூர் என்பது இயற்கையும், கலாச்சாரமும் சரியான இணக்கத்துடன் இணைந்த ஒரு இடமாகும். அதன் கண்ணைக் கவரும் நிலப்பரப்புகள், அரிய வனவிலங்குகள் மற்றும் வளமான மரபுகள் போன்றவை, சுற்றுலாவாசிகள் மற்றும் ஆய்வாளர்கள் கண்டிப்பாகப் பார்க்க வேண்டிய இடமாக ஆக்குகின்றன.
இந்த வடகிழக்கு மாநிலம் இந்தியாவின் ரத்தினமாக கொண்டாடப்படுவதில் ஆச்சரியமில்லை. ஏனென்றால் பார்வையாளர்களை மயக்கும் இந்த நிலம், மறுபடியும் எப்போதும் இங்கு வரப்போகிறோம் என அனைவரையும் ஏங்க வைக்கும்.
