அமெரிக்கா மற்றும் ஈரான் இடையேயான பதட்டங்கள் தணிவதற்கான அறிகுறிகளைத் தொடர்ந்து, சர்வதேச சந்தையில் இரண்டாவது நாளாக செவ்வாய்க்கிழமை (03) எண்ணெய் விலைகள் குறைந்தன.
அதன்படி, பிரெண்ட் மசகு எண்ணெய் எதிர்காலங்கள் 0330 GMT மணிநேரத்தில் 39 காசுகள் அல்லது 0.5% குறைந்து ஒரு பீப்பாய்க்கு $65.91 ஆக இருந்தது.
அமெரிக்க மேற்கு டெக்சாஸ் இடைநிலை மசகு எண்ணெய் 31 காசுகள் அல்லது 0.5% குறைந்து ஒரு பீப்பாய்க்கு $61.83 ஆக இருந்தது.
ஈரானுடனான பதட்டங்களை தணிக்கும் முயற்சியில் வொஷிங்டன் தெஹ்ரானுடன் தீவிரமாகப் பேசிவருவதாக அமெரிக்க ஜனாதிபதி டொனால்ட் ட்ரம்ப் கூறியதைத் தொடர்ந்து, திங்களன்று எண்ணெய் விலைகள் 4% க்கும் அதிகமாக சரிந்தன.
சர்வதேச ஊடகங்களின் தகவல்களுக்கு அமைய ஈரானும் அமெரிக்காவும் எதிர்வரும் வெள்ளிக்கிழமை துருக்கியில் அணுசக்தி பேச்சுவார்த்தைகளை மீண்டும் தொடங்கும் என்று எதிர்பார்க்கப்படுகிறது.
மேலும், பெரிய அமெரிக்க போர்க்கப்பல்கள் ஈரானுக்குச் செல்வதால், ஒரு ஒப்பந்தம் எட்டப்படாவிட்டால் மோசமான விடயங்கள் நடக்கக்கூடும் என்று ட்ரம்ப் முன்னதாக எச்சரித்துள்ளார்.
