(west Highlands.) மேற்கு ஹைலேண்ட்ஸில் உள்ள ஃபோர்ட் வில்லியம் (Fort William) அருகே நடந்த ஒரு கார் விபத்தில் இரண்டு பேர் உயிரிழந்துள்ளனர்.
கடந்த சனிக்கிழமை அதிகாலை சுமார் 03:00 மணியளவில், கோர்பாக் (Corpach) பகுதியில் உள்ள A830 சாலையில் ஒரு வாகனம் தீப்பற்றி எரிவதாக அவசர கால சேவைகளுக்குத் தகவல் கிடைத்தது.
தீ அணைக்கப்பட்ட பின்னர் , காரின் உள்ளே இரண்டு உடல்கள் கண்டெடுக்கப்பட்டன.
இதேவேளை, உயிரிழந்தவர்கள் யார் என்பதை முறைப்படி அடையாளம் காணும் பணிகள் இன்னும் நடைபெற்று வருகின்றன.
இருப்பினும், 44 வயதுடைய ஒரு மனிதர் மற்றும் 16 வயதுடைய ஒரு சிறுவனின் குடும்பத்தினருக்கு இது குறித்து தகவல் தெரிவிக்கப்பட்டுள்ளதாக காவல்துறை தெரிவித்துள்ளது.
காவல்துறையின் முதற்கட்ட விசாரணையில், நீல நிற வாக்ஸ்ஹால் அஸ்ட்ரா (Vauxhall Astra) ரகத்தைச் சேர்ந்த அந்த கார், அதிகாலை சுமார் 01:45 மணியளவில் விபத்துக்குள்ளானது என்று நம்பப்படுகிறது.
இந்த விபத்தைத் தொடர்ந்து, (Fort William) ஃபோர்ட் வில்லியம் முதல் மல்லேக் (Mallaig) வரையிலான A830 சாலை 12 மணி நேரத்திற்கும் மேலாக மூடப்பட்டிருந்தது.
இந்நிலையில் இதுகுறித்து தற்போது பொலிஸார் ஒரு அறிக்கையை வெளியிட்டுள்ளனர்.
அதில், இந்த விபத்தில் உண்மையில் அங்கு என்ன நடந்தது என்பதை கண்டறிவது மிகவும் அவசியம் எனவும் எனவே, இது குறித்து தகவல் தெரிந்தவர்கள் யாராவது இருந்தால் முன்வருமாறு கேட்டுக்கொள்வதாகவும் தெரிவிக்கப்பட்டுள்ளது.
மேலும், இந்த விபத்து தொடர்பான தகவல்கள் அல்லது வாகனக் கேமரா (Dashcam) காட்சிகள் வைத்திருப்பவர்கள் உடனடியாக ஸ்காட்லாந்து காவல்துறையைத் (Police Scotland) தொடர்பு கொள்ளுமாறு அவர் கேட்டுக்கொண்டார்.
