வலுசக்தி அமைச்சர் மீதான நம்பிக்கையில்லா பிரேரணை

வலுசக்தி அமைச்சர் குமார ஜயக்கொடிக்கு எதிராக முன்வைக்கப்பட்டுள்ள நம்பிக்கையில்லா பிரேரணை 10ஆம் திகதி முழுமையாக விவாதத்திற்கு எடுத்துக்கொள்ளப்படவுள்ளதாகவும் பாராளுமன்றம் எதிர்வரும் ஏப்ரல் 7, 9 மற்றும் 10ஆம் திகதிகளில் கூடவிருப்பதாகப் பாராளுமன்றச் செயலாளர் நாயகம் குஷானி ரோஹணதீர தெரிவித்துள்ளார்.

சபாநாயகர் (வைத்தியர்) ஜகத் விக்கிரமரத்ன தலைமையில் 2026.03.19 அன்று நடைபெற்ற பாராளுமன்ற அலுவல்கள் பற்றிய குழுக் கூட்டத்தில் இதற்கான தீர்மானங்கள் எடுக்கப்பட்டன.

பாராளுமன்றம் கூடும் தினங்களில் நேர அட்டவணை பின்வருமாறு அமையும்:

ஏப்ரல் 07, செவ்வாய்க்கிழமை (மு.ப 09.30 – மு.ப 11.00)

மு.ப 09.30 – 10.00: நிலையியற் கட்டளை 22 இன் கீழான பாராளுமன்ற அலுவல்கள்.

மு.ப 10.00 – 11.00: வாய்மூல விடைக்கான வினாக்கள்.

மு.ப 11.00 – 11.30: நிலையியற் கட்டளை 27(2) இன் கீழான வினாக்கள்.

ஏப்ரல் 07, செவ்வாய்க்கிழமை (மு.ப 11.30 – பி.ப 5.30)

அன்றைய தினம் விவாதத்திற்கு எடுத்துக்கொள்ளப்படவுள்ள விடயங்கள்:

விளையாட்டுத் துறை: விளையாட்டில் ஊக்கமருந்துப் பயன்பாட்டிற்கு எதிரான சமவாயச் சட்டத்தின் கீழான ஒழுங்குவிதிகள்.

பொருளாதாரம் & சட்டம்: செயல்நுணுக்க அபிவிருத்திக் கருத்திட்டங்கள் சட்ட ஒழுங்குவிதிகள் மற்றும் இலங்கை மத்திய வங்கிச் சட்ட ஒழுங்குவிதிகள்.

வரிச் சீர்திருத்தம்: உள்நாட்டிறைவரி (திருத்தச்) சட்டமூலம் மற்றும் சமூகப் பாதுகாப்பு உதவுதொகை சட்டமூலம் (நீதிமன்றத்தில் சவாலுக்கு உட்படுத்தப்படாவிடின்).

நிர்வாகம்: பி.ப 4.45 – 5.00 மணி வரை பாராளுமன்ற நிலையியற் கட்டளைகளின் திருத்தங்கள் மீதான விவாதம்.

அறிக்கை: இலங்கை கடற்றொழில் கூட்டுத்தாபனத்தின் வருடாந்த அறிக்கை விவாதமின்றி அங்கீகரிக்கப்படும்.

ஏப்ரல் 8ஆம் திகதி (புதன்கிழமை) அரசாங்க விடுமுறை தினம் என்பதால் அன்று பாராளுமன்றம் கூடமாட்டாது.

ஏப்ரல் 09, வியாழக்கிழமை (மு.ப 11.30 – பி.ப 5.30)

பாதுகாப்புத் துறை: தரைப்படை, கடற்படை மற்றும் வான்படைச் சட்டங்களின் கீழான ஒழுங்குவிதிகள் விவாதிக்கப்படும்.

ஜனாதிபதி தீர்மானம்: பொதுமக்கள் பாதுகாப்புக் கட்டளைச் சட்டத்தின் கீழ் ஜனாதிபதியின் தீர்மானம் ஏதேனும் வெளியிடப்பட்டால், அது அன்றைய தினம் அங்கீகரிக்கப்படும்.

முக்கிய விவாதம்: பி.ப 2.00 மணி முதல் பி.ப 5.30 மணி வரை உயிர்த்த ஞாயிறு தாக்குதல் தொடர்பான சபை ஒத்திவைப்புப் பிரேரணை மீதான விவாதம் நடைபெறும்.

ஏப்ரல் 10, வெள்ளிக்கிழமை (மு.ப 11.30 – பி.ப 5.30)

நம்பிக்கையில்லா பிரேரணை