தனது சொத்துக்கள், செலவுகள் மற்றும் வருமான ஆதாரங்கள் குறித்த விவரங்கள் அடங்கிய அறிக்கையை எதிர்வரும் ஏப்ரல் 10 ஆம் திகதிக்குள் சமர்ப்பிக்குமாறு முன்னாள் ஜனாதிபதி மஹிந்த ராஜபக்ஷவுக்கு இலஞ்ச அல்லது ஊழல் தொடர்பான குற்றச்சாட்டுகள் விசாரணை ஆணைக்குழு (CIABOC) தெரிவித்துள்ளது.
தனது தொடர் விசாரணைகளின் ஒரு பகுதியாக இந்த உத்தரவைப் பிறப்பித்துள்ளதாக ஆணைக்குழு குறிப்பிட்டுள்ளது.
அந்த அறிவிப்பின்படி மஹிந்த ராஜபக்ஷ, தனது சொத்துக்கள், கடன்கள், செலவினங்கள் மற்றும் வருமான ஆதாரங்கள் ஆகியவற்றை உள்ளடக்கிய ஒரு விரிவான அறிக்கையை குறிப்பிட்ட காலக்கெடுவுக்குள் வழங்குமாறு கேட்டுக் கொள்ளப்பட்டுள்ளது.
கோரிக்கையை நிறைவேற்றத் தவறினால், சம்பந்தப்பட்ட சட்டங்களின்படி மேலதிக சட்ட நடவடிக்கை எடுக்கப்படலாம் என்று ஆணைக்குழுவின் அதிகாரிகள் குறிப்பிட்டுள்ளனர்.
இந்த அறிவிப்பு தொடர்பாக முன்னாள் ஜனாதிபதி மஹிந்த ராஜபக்ஷ உடனடியாக எந்த பதிலும் வழங்கவில்லை.
