பெலாரஸ் குடியரசின் வெளிவிவகார அமைச்சர் மெக்சிம் ரைசென்கோவின் அழைப்பின் பேரில், வெளிநாட்டு அலுவல்கள், வெளிநாட்டு வேலைவாய்ப்பு மற்றும் சுற்றுலாத்துறை அமைச்சர் விஜித ஹேரத், 2026 மே 12 முதல் 15 வரையில் பெலாரஸுக்கு உத்தியோகபூர்வப் பயணமொன்றை மேற்கொள்ளவுள்ளார்.
கடந்த ஆண்டு இரு நாடுகளுக்கும் இடையில் இராஜதந்திர உறவுகள் நிறுவப்பட்டதன் 25வது ஆண்டு நிறைவைக் கொண்டாடிய நிலையில், இப்பயணம் இருதரப்புக் கூட்டாண்மையில் ஒரு மைல்கல்லாக அமையும்.
மின்ஸ்க் இற்கான பயணத்தின் போது, அமைச்சர் ஹேரத் பெலாரஸ் ஜனாதிபதி அலெக்சாண்டர் லுகாஷென்கோவைச் சந்திக்கவுள்ளதுடன், பெலாரஸின் வெளிநாட்டு அமைச்சருடன் இருதரப்பு பேச்சுவார்த்தைகளை நிகழ்த்துவார். அமைச்சர் ஹேரத், பெலாரஸின் கல்வி மற்றும் சுகாதார அமைச்சர்களையும் சந்திக்கவுள்ளார். இந்தப் பயணத்தின் போது, பெலாரஸ் குடியரசுடன் பல்வேறு துறைகளில் பல புரிந்துணர்வு ஒப்பந்தங்களும் உடன்படிக்கைகளும் கைச்சாத்திடப்படும் என எதிர்பார்க்கப்படுகிறது.
மின்ஸ்கில், பெலாரஸின் தேசிய ஏற்றுமதி மையம் ஏற்பாடு செய்துள்ள வணிகம் மற்றும் சுற்றுலா வட்டமேசை மாநாட்டில் அமைச்சர் ஹேரத் உரையாற்றுவார். மேலும், பெலாரஸில் கல்வி பயிலும் இலங்கை மாணவர்களையும் அவர் சந்திக்கவுள்ளார்.
