கிரேட்டர் மான்செஸ்டர் (Greater Manchester) பகுதியில் உள்ள மேக்கர்ஃபீல்ட் நாடாளுமன்றத் தொகுதிக்கான இடைத்தேர்தல் ஜூன் மாதம் நடைபெறும் என அதிகாரப்பூர்வமாக அறிவிக்கப்பட்டுள்ளது.
இதற்கான நாடாளுமன்றத் தீர்மானத்தை (Writ) தொழிலாளர் கட்சியின் (Labour Party) கொறடாக்கள் இன்று நாடாளுமன்றத்தில் தாக்கல் செய்தனர்.
இதேவேளை, பிரித்தானிய நாடாளுமன்ற நடைமுறைப்படி, இந்த தீர்மானம் தாக்கல் செய்யப்பட்டதைத் தொடர்ந்து தேர்தல் திகதிகள் இறுதி செய்யப்படவுள்ளன.
இதேவேளை, நாடாளுமன்றத்தில் இன்று இந்தத் தீர்மானம் கொண்டுவரப்பட்டுள்ளதால், ஜூன் மாதம் 18 அல்லது 25 ஆகிய திகதிகளில் ஒன்றில் வாக்குப்பதிவு நடைபெறும் என தெரிவிக்கப்படுவதுடன் இறுதி தேர்தல் திகதி இன்னும் அதிகாரப்பூர்வமாக உறுதி செய்யப்படவில்லை.
இந்நிலையில் மேக்கர்ஃபீல்ட் தொகுதியின் தொழிலாளர் கட்சி நாடாளுமன்ற உறுப்பினராக (MP) இருந்த ஜோஷ் சைமன்ஸ் (Josh Simons), கடந்த வாரம் தனது பதவியை ராஜினாமா செய்வதாக அறிவித்திருந்தார்.
அவரது நாடாளுமன்ற விலகல் நேற்று அதிகாரப்பூர்வமாக உறுதி செய்யப்பட்டதை தொடர்ந்து , தற்போது இந்த இடைத்தேர்தல் அறிவிப்பு வெளியாகியுள்ளது.
