பிரித்தானியாவில் கடந்த ஆண்டு பிறப்பு விகிதம் குறைந்துள்ளதாக தெரிவிக்கப்பட்டுள்ளது.
அதிகாரப்பூர்வ புள்ளிவிவரங்களின் படி, அரை நூற்றாண்டில் இல்லாத அளவுக்கு பிறப்பு விகிதம் குறைந்திருப்பதாக தெரிவிக்கப்பட்டுள்ளது.
இதன்படி, கடந்த ஆண்டு இங்கிலாந்து மற்றும் வேல்ஸில் 585,000க்கும் மேற்பட்ட குழந்தைகள் பிறந்துள்ளன.
எனினும், அதற்கு முந்தைய ஆண்டில் 594,677 குழந்தைகள் பிறந்துள்ளதாக தெரிவிக்கப்பட்டுள்ளது.
1976ம் ஆண்டுக்கு பின்னர் பிறப்பு விகிதம் மிகக் குறைந்ததாகவும், கடந்த 100 ஆண்டுகளில் நான்காவது மிகக் குறைந்தத பிறப்பு வீதம் கொண்ட ஆண்டாகவும் பதிவாகியுள்ளதாகவும் தெரிவிக்கப்பட்டுள்ளது.
மேலும், 2025ம் ஆண்டில் பிறந்த குழந்தைகளின் பெற்றோரில் ஒருவர் அல்லது இருவருமே வெளிநாட்டில் பிறந்தவர்களாக இருப்பது கவனத்தைப் பெற்றுள்ளது.
தேசிய புள்ளியியல் அலுவலகத்தின்படி, இங்கிலாந்து மற்றும் வேல்ஸின் 12 பகுதிகளில் பதிவான பிறப்புகளில் நான்கில் மூன்று பங்கிற்கும் அதிகமானவை, குறைந்தபட்சம் ஒரு வெளிநாட்டில் பிறந்த நபரைக் கொண்ட பெற்றோர்களுக்குப் பிறந்தவையாகும்.
ப்ரென்ட் லண்டன் பரோவில் (London Borough of Brent) குறைந்தபட்சம் ஒரு பெற்றோராவது வெளிநாட்டவராக இருந்த பிறப்புகளின் விகிதம் மிக அதிகமாகப் பதிவாகியுள்ளமை குறிப்பிடத்தக்கது.
