மேற்கு, சப்ரகமுவ மற்றும் வடமேற்கு மாகாணங்களிலும், காலி, மாத்தறை, கண்டி மற்றும் நுவரெலியா மாவட்டங்களிலும் அவ்வப்போது மழை அல்லது இடியுடன் கூடிய மழை பெய்யும்.
மேற்கு மற்றும் சபரகமுவ மாகாணங்களிலும், காலி, மாத்தறை, கண்டி மற்றும் நுவரெலியா மாவட்டங்களிலும் சில இடங்களில் சுமார் 100 மி.மீ கனமழை பெய்ய வாய்ப்புள்ளது.
நாடு முழுவதும் அவ்வப்போது மணிக்கு (40-50) கி.மீ வேகத்தில் பலத்த காற்று வீசக்கூடும் என வளிமண்டலவியல் திணைக்களம் எதிர்வு கூறியுள்ளது.
இடியுடன் கூடிய மழையின் போது, தற்காலிகமாக குறிப்பிட்ட பகுதிகளில் வீசும் பலத்த காற்று மற்றும் மின்னலால் ஏற்படும் சேதங்களைக் குறைக்க, பொதுமக்கள் தகுந்த முன்னெச்சரிக்கை நடவடிக்கைகளை மேற்கொள்ளுமாறு அன்புடன் கேட்டுக்கொள்ளப்படுகிறார்கள்.
காற்று:
காற்று தென்மேற்கு திசையில் வீசும். காற்றின் வேகம் மணிக்கு (30-40) கி.மீ. ஆக இருக்கும்.
காங்கேசன்துறை, மன்னார், புத்தளம், கொழும்பு, காலி மற்றும் ஹம்பாந்தோட்டை வழியாக முல்லைத்தீவிலிருந்து பொத்துவில் வரையிலான கடலோரப் பகுதிகளில் காற்றின் வேகம் அவ்வப்போது மணிக்கு (50-60) கி.மீ. வரை அதிகரிக்கக்கூடும். தீவைச் சுற்றியுள்ள மற்ற கடல் பகுதிகளில் காற்றின் வேகம் அவ்வப்போது மணிக்கு 50 கி.மீ. வரை அதிகரிக்கக்கூடும்.
கடலின் நிலை:
காங்கேசன்துறை, மன்னார், புத்தளம், கொழும்பு, காலி மற்றும் ஹம்பாந்தோட்டை வழியாக முல்லைத்தீவிலிருந்து பொத்துவில் வரையிலான கடலோரப் பகுதிகளில் கடல் அவ்வப்போது சீற்றத்துடன் காணப்படும்.
நாட்டைச் சுற்றியுள்ள மற்ற கடல் பகுதிகள் அவ்வப்போது ஓரளவிற்கு சீற்றத்துடன் காணப்படும்.
கொழும்பு, காலி மற்றும் ஹம்பாந்தோட்டை வழியாக மன்னாரிலிருந்து பொத்துவில் வரையிலான கடலோரப் பகுதிகளில் அலைகளின் உயரம் சுமார் (2.0 – 2.5) மீட்டர் வரை அதிகரிக்கக்கூடும். (இது நிலப்பரப்பிற்கானது அல்ல).
இடியுடன் கூடிய மழையின் போது, தற்காலிகமாக பலத்த சூறாவளிக் காற்றும், மிகவும் கொந்தளிப்பான கடலும் எதிர்பார்க்கப்படலாம்.
