பொரலஸ்கமுவ, வேரஹேரா பகுதியில் பொலிஸ் அதிகாரிகள் நடத்திய சோதனையின்போது பெருமளவிலான ஹெராயின் மற்றும் கிரிஸ்டல் மெத்தம்பெட்டமைன் (‘ஐஸ்’) போதைப்பொருட்கள் கைப்பற்றப்பட்டுள்ளது.
இந்த சம்பவத்தில் நபரொருவர் கைது செய்யப்பட்டுள்ளதாக பொலிஸார் குறிப்பிட்டனர்.
மேல் மாகாணத்தின் வடக்கு குற்றப்பிரிவைச் சேர்ந்த அதிகாரிகள் குழு இந்த நடவடிக்கையை மேற்கொண்டது.
சந்தேக நபரிடமிருந்து சுமார் 1 கிலோ கிராம் 80 கிராம் ஹெராயின் மற்றும் 5 கிலோ கிராம் 24 கிராம் கிரிஸ்டல் மெத்தம்பெட்டமைன் ஆகியவற்றை பொலிஸார் மீட்டெடுத்தனர்.
பொரலெஸ்கமுவவைச் சேர்ந்த 42 வயதான சந்தேக நபர், வெளிநாட்டு போதைப்பொருள் வலையமைப்புகளுடன் தொடர்புடைய உள்ளூர் போதைப்பொருள் கடத்தல் நடவடிக்கைகளில் ஈடுபட்டதாக நம்பப்படுகிறது.
முதற்கட்ட விசாரணையில், சந்தேக நபருக்கும், நாட்டுக்குள் போதைப்பொருள் விநியோகத்திற்கு உதவியதாகக் கூறப்படும் வெளிநாட்டு போதைப்பொருள் கடத்தல்காரர்களுக்கும் இடையே தொடர்புகள் இருப்பது தெரியவந்துள்ளது என அதிகாரிகள் தெரிவித்தனர்.
மேற்கு மாகாண வடக்கு குற்றப்பிரிவினர் இது தொடர்பான மேலதிக விசாரணைகளை முன்னெடுத்து வருகின்றனர்.
