பிரதமர் கீர் ஸ்டார்மரின் தலைமைத்துவத்திற்கு சவால் விடுத்து தொழிற்கட்சிக்குள் அரசியல் காய்நகர்த்தல்கள் தீவிரம்!

பிரித்தானியப் பிரதமர் கீர் ஸ்டார்மரின் தலைமைத்துவத்தைப் பாதுகாப்பது குறித்து, அவரது நெருங்கிய சகாக்கள் அவசர உத்திகளை வகுத்து வருகின்றனர்.

பிரதமர் கீர் ஸ்டார்மரின் (Keir Starmer) தலைமைத்துவத்தைப் பாதுகாப்பது குறித்து, அவரது நெருங்கிய ஆலோசகர்கள் அவசர உத்திகளை வகுத்து வருவதாக அரசியல் வட்டாரங்கள் தெரிவிக்கின்றன.

அடுத்த வாரம் நடைபெறவுள்ள மேக்கர்ஃபீல்ட் (Makerfield) நாடாளுமன்ற இடைத்தேர்தலில், கிரேட்டர் மான்செஸ்டர் மேயர் ஆண்டி பர்ன்ஹாம் (Andy Burnham) போட்டியிடுகின்றார்.

அவர் வெற்றிபெற்று நாடாளுமன்றத்திற்குத் திரும்பும்பட்சத்தில், தொழிற்கட்சியின் தலைமைத்துவப் போட்டியில் களமிறங்கவுள்ளதாக அறிவித்துள்ளார்.

எனினும், பிரதமர் கீர் ஸ்டார்மர் எத்தகைய சவாலையும் எதிர்கொள்ளத் தயாராக இருப்பதாகத் தெரிவித்துள்ள நிலையில், பர்ன்ஹாமுக்கு பகிரங்கமாக ஆதரவளிக்கும் அமைச்சர்களைப் பதவியிலிருந்து நீக்குவது குறித்து அவரது குழுவினர் ஆலோசித்து வருகின்றனர்.

கடந்த உள்ளூராட்சித் தேர்தல்களில் தொழிற்கட்சி சந்தித்த பலத்த பின்னடைவைத் தொடர்ந்து, பிரதமர் கீர் ஸ்டார்மருக்கு எதிராக கட்சியின் உட்கட்சிப் பூசல்கள் தீவிரமடைந்துள்ளமை குறிப்பிடத்தக்கது.