பிஃபா உலகக் கிண்ணத்தில் அறிமுக அணியான உஸ்பெகிஸ்தானை வீழ்த்தி கொலம்பியா வெற்றியுடன் மீண்டும் களமிறங்கியது.
புதன்கிழமை இரவு (இலங்கை நேரப்படி இன்று காலை) நடைபெற்ற 2026 பிஃபா உலகக் கிண்ண தொடக்க ஆட்டத்தில் உஸ்பெகிஸ்தானை 3-1 என்ற கோல் கணக்கில் வீழ்த்தியது.
தனது முதல் உலகக் கிண்ணத்தில் விளையாடும் டேனியல் முனியோஸ், 40-வது நிமிடத்தில் டயஸ் அளித்த பந்தைக் கொண்டு கோல் கணக்கைத் தொடங்கி வைத்தார்.
பின்னர் 65-வது நிமிடத்தில், கோல்கீப்பர் உட்கிர் யூசுபோவ் பந்தைத் தடுக்கப் பாய்ந்தபோதும் அவரது கைகளில் பட்டுத் திசைமாறிய பந்து கோல் கோட்டை மெதுவாகக் கடந்து சென்றபோது, டயஸ் அந்த ஆட்டத்தின் வெற்றிக்கு வழிவகுத்த கோலை அடித்தார்.
எஸ்டாடியோ அஸ்டெகாவில் (Estadio Azteca) அரங்கில் கூடியிருந்த 80,824 பார்வையாளர்களில் பெரும்பாலோர் கொலம்பியாவுக்கு ஆதரவாக இருந்த சூழலில், உலகக் கிண்ணத்தில் அறிமுகமான உஸ்பெகிஸ்தான் அணிக்காக ஃபைசுல்லாயேவ் அபோஸ்பெக் (Fayzullaev Abbosbek) 60 ஆவது நிமிடத்தில் கோல் அடித்தார்.
உலகத் தரவரிசையில் 13 ஆவது இடத்தில் உள்ள கொலம்பியா அணி, 50-வது இடத்தில் உள்ள உஸ்பெகிஸ்தான் அணியை விட வெற்றிபெற அதிக வாய்ப்புள்ள அணியாகக் கருதப்பட்ட நிலையில், ஆட்டத்தின் இரண்டாம் பாதியின் மேலதிக நேரத்தில் ஜமின்டன் கம்பாஸ் (Jaminton Campaz) அந்த அணிக்காக ஒரு கோலை அடித்தார்.
கொலம்பியா தனது அடுத்த போட்டியில் அடுத்த வாரம் வியாழக்கிழமை மெக்சிகோவின் குவாடலஹாராவில் காங்கொவை எதிர்கொள்வார்கள், அதே நேரத்தில் உஸ்பெகிஸ்தான் ஹூஸ்டனில் கிறிஸ்டியானோ ரொனால்டோவின் போர்த்துக்கலை எதிர்கொள்வார்கள்.
