மேக்கர்ஃபீல்ட் (Makerfield) இடைத்தேர்தலில் ஆண்டி பர்ன்ஹாம் (Andy Burnham) பெற்ற வெற்றியைத் தொடர்ந்து, பிரித்தானிய பிரதமர் சர் கெய்ர் ஸ்டார்மர் (Sir Keir Starmer) மீது பதவி விலகும் அழுத்தம் மேலும் அதிகரித்துள்ளது.
தொழிலாளர் கட்சிக்குள், குறிப்பாக அவரது சொந்த அமைச்சரவையிலேயே, ஸ்டார்மர் பதவி விலக வேண்டும் என்று வலியுறுத்தும் நாடாளுமன்ற உறுப்பினர்களின் எண்ணிக்கை அதிகரித்து வருவதாக கூறப்படுகின்றது.
போக்குவரத்துச் செயலாளர் ஹைடி அலெக்சாண்டர் (Heidi Alexander), வெள்ளிக்கிழமை பிரதமருடன் நடத்திய சந்திப்பில், பதவியிலிருந்து விலகுவதற்கான கால அட்டவணையை வகுக்குமாறு பரிந்துரைத்ததாக கூறப்படுகிறது.
மே மாதத் தேர்தல்களில் தொழிலாளர் கட்சி சந்தித்த பின்னடைவைத் தொடர்ந்து, உள்துறைச் செயலாளர் ஷபானா மஹ்மூத் (Shabana Mahmood) மற்றும் எரிசக்திச் செயலாளர் எட் மிலிபான்ட் (Ed Miliband) உள்ளிட்ட அமைச்சர்களும், பிரதமர் தனது பதவி விலகல் திட்டத்தைத் தயாரிக்க வேண்டும் என வலியுறுத்தியதாக கூறப்படுகிறது.
இந்நிலையில், செவ்வாய்க்கிழமை நடைபெறவுள்ள வாராந்திர அமைச்சரவைக் கூட்டத்திற்கு முன்னதாகவே, பிரதமர் ஸ்டார்மரின் பதவி விலகல் அறிவிப்பு திங்கட்கிழமையே வெளியாகலாம் என அரசியல் வட்டாரங்களில் எதிர்பார்ப்பு நிலவுகிறது.
