அடுத்த பிரதமராக ஆண்டி பர்ன்ஹாம் (Andy Burnham) வருவதை ஆதரிப்பதாக இங்கிலாந்தின் நிதியமைச்சர் ரேச்சல் ரீவ்ஸ் (Rachel Reeves) இன்று (25) தெரிவித்துள்ளார்.
ஆண்டி பர்ன்ஹாம் தொழிலாளர் கட்சியின் (Labour Party) தலைமைப் பொறுப்பை ஏற்றால், ரேச்சல் ரீவ்ஸ் தனது பதவியை இழந்து குறைந்த முக்கியத்துவம் வாய்ந்த ஒரு பதவிக்கு மாற்றப்படக்கூடும் என்ற ஊகங்களுக்கு மத்தியில் இந்த அறிவிப்பு வந்துள்ளது.
கடந்த திங்களன்று தனது இராஜினாமாவை அறிவித்த கெய்ர் ஸ்டார்மருக்குப் பதிலாக, அப்பதவிக்கு போட்டியிடப் போவதாக அறிவித்த ஒரே வேட்பாளராக மேக்கர்ஃபீல்டின் புதிய தொழிலாளர் கட்சி நாடாளுமன்ற உறுப்பினர் உருவெடுத்த நிலையில் ஆண்டி பர்ன்ஹாம் பிரதமராவதை நான் ஆதரிக்கிறேன் என்று ரேச்சல் ரீவ்ஸ் பிபிசி செய்திச் சேவையிடம் கூறியுள்ளார்.
இந்த வாரத் தொடக்கத்தில் மேக்கர்ஃபீல்ட் (Makerfield) தொகுதியின் நாடாளுமன்ற உறுப்பினராகப் பதவியேற்ற பர்ன்ஹாம், பிரதமரானால் ரீவ்ஸுக்குப் பதிலாக நிதியமைச்சராகப் பொறுப்பேற்பார் என்று எதிர்பார்க்கப்படுகிறது.
தொழிற் கட்சியின் தலைமைப் பதவிக்கு இதுவரை போட்டியிட முன்வந்துள்ள ஒரே வேட்பாளர் அவர்தான்.
இந்த நிலையில் பிபிசி செய்திச் சேவையிடம், தான் நிதி அமைச்சராகப் பதவியில் நீடிப்பதா வேண்டாமா என்பது பர்ன்ஹாமின் முடிவைப் பொறுத்தது என்பதை ரீவ்ஸ் ஒப்புக்கொண்டாலும், வரும் இலையுதிர் காலத்தில் எரிசக்தி கட்டணங்களில் குறிப்பிட்ட, தற்காலிக நிவாரணம் வழங்கத் தயாராக இருப்பதாகக் கூறினார்.
பர்ன்ஹாம் தனது அமைச்சரவையில் அவருக்கு ஒரு கீழ்நிலைப் பதவியை வழங்குவார் என்ற செய்திகள் குறித்துக் கேட்கப்பட்டபோது, ரீவ்ஸ் நாடாளுமன்றத்தின் புதிய உறுப்பினருக்கான தனது ஆதரவை மீண்டும் வலியுறுத்தினார்.
