ரக்கூனுடன் தாயகம் திரும்பினார் எர்லிங் ஹாலண்ட்!

நோர்வே கால்பந்து நட்சத்திரமான எர்லிங் ஹாலண்ட் (Erling Haaland), தனது விளையாட்டு வாழ்க்கையையே மாற்றியமைக்கும் வகையிலான உலகக் கிண்ணத் தொடர் ஆட்டத்திற்குப் பின்னர், தனது ரக்கூன் பொம்பையுடன் தாயம் திரும்பியுள்ளார்.

ஜூலை 11 அன்று நடைபெற்ற 2026 ஃபிஃபா (FIFA) உலகக் கிண்ணத்தின் காலிறுதிப் போட்டியில் இங்கிலாந்திடம் நோர்வே தோல்வியடைந்ததைத் தொடர்ந்து, 25 வயதான ஹாலண்ட் தனது சொந்த நாட்டிற்குத் திரும்பினார். 

அப்போது, ​​இத்தொடரில் அனைவரின் கவனத்தையும் ஈர்த்த அந்த விளையாட்டு வீரர், விஸ்கி போத்தல் ஒன்றை ஏந்தியவாறு பதப்படுத்தப்பட்ட ரக்கூன் (raccoon) விலங்குடன் ஒஸ்லோ நகருக்குத் திரும்பியதை ரசிகர்கள் கவனித்தனர்.

ஒஸ்லோ விமானத்திலிருந்து இறங்கும் ஹாலண்ட் மற்றும் அவரது ரக்கூன் ஆகியவை புகைப்படங்கள் மற்றும் காணொளிகளில் தென்பட்ட சிறிது நேரத்திலேயே, இணையத்தில் வைரலாகின.

அந்தச் சம்பவம் குறித்து ஹாலண்ட் ‘எக்ஸ்’ தளத்தில் இது குறித்து நகைச்சுவையாகக் பதிவிட்டார், 

அதில், “அது என்னைப் பின்தொடர்ந்து வீட்டிற்கே வந்துவிட்டது,” என்று குறிப்பிட்டார்.

மேலும் நோர்வே ஸ்டிரைக்கர், இன்ஸ்டாகிராம் ஸ்டோரீஸ் வாக்கெடுப்பு மூலம் ரக்கூனின் புதிய பெயரைத் தீர்மானிக்க உதவுமாறு ரசிகர்களிடம் கேட்டுக்கொண்டார். 

அவரது பரிந்துரைகளில் கவ்பாய், ரேஞ்சர், டெக்ஸ் மற்றும் ஆர்.ஓ.டபிள்யூ. ஆகியவை அடங்கும். இவற்றில், ஆர்.ஓ.டபிள்யூ. என்ற பெயரே ரசிகர்களிடையே ஆரம்பத்திலேயே அதிக வரவேற்பைப் பெற்றுள்ளது.

ரசிகர்கள் ஹாலண்டின் பதப்படுத்தப்பட்ட நண்பரை ஆன்லைனில் விரைவாகக் கண்டுபிடித்து, அதற்காக அவர் 750 டொலர் செலவழித்ததாகப் பகிர்ந்துகொண்டனர்.

அமெரிக்காவில் இருந்தபோது, ​​டெக்சாஸ் மாநிலம் டல்லாஸில் உள்ள ‘வைல்ட் பில்ஸ் வெஸ்டர்ன் ஸ்டோர்’ (Wild Bill’s Western Store) கடைக்குச் சென்ற ஹாலண்ட், அங்கு பதப்படுத்தப்பட்ட ரங்கூன் நண்பரை 750 அமெரிக்க டொலருக்கு வாங்கியமை தெரியவந்துள்ளது.

ஹாலண்ட் அந்த விலங்கை கையில் வைத்திருக்கும் புகைப்படங்கள் வெளியான சமூக ஊடகங்களில் வெளியான உடனேயே, விஸ்கி குடிக்கும் அந்த ரக்கூன் பொம்மை சந்தையில் விரைவாக விற்றுத் தீர்ந்துள்ளது.

நோர்வே அணியை காலிறுதிச் சுற்றுக்கு அழைத்துச் சென்றதன் மூலம் ஹாலண்ட் 2026 ஃபிஃபா உலகக் கிண்ணத்தின் நட்சத்திர வீரராகத் திகழ்ந்தார்.

காலிறுதியில் இங்கிலாந்துக்கு எதிராகக் கடும் போட்டியளித்த நார்வே அணி, இறுதியில் 1-2 என்ற கணக்கில் இங்கிலாந்து அணியிடம் தோல்வியடைந்தது.