ஜீ ஸ்டுடியோஸ் – எம்.ஐ.ஜி புரொடக்ஷன் தயாரிக்கும் , காஜல் அகர்வால் மற்றும் ஸ்ரேயஸ் தல்பதே முதன்மை கதாபாத்திரங்களில் நடித்துள்ள “த இந்தியா ஸ்டோரி” திரைப்படத்தின் முதல் பாடலான ‘நீ செல் ……’ தற்போது உத்தியோகபூர்வமாக வெளியாகியுள்ளது.
மங்கேஷ் தகாடே இசையமைப்பில், ஷகீல் அசாமி எழுதியுள்ள வரிகளுக்கு, பிரபல பாடகி ரிச்சா ஷர்மா குரல் கொடுத்துள்ளார்.
படத்தில் காஜல் அகர்வால் ஏற்றுள்ள கதாபாத்திரத்தை மையமாகக் கொண்டு இப்பாடல் உருவாக்கப்பட்டுள்ளது.
வாழ்க்கையில் எவ்வளவு பெரிய சவால்களும், உணர்வுபூர்வமான போராட்டங்களும் எதிர்கொண்டாலும், ஒருபோதும் சரணடையாமல் மீண்டும் எழுந்து நிற்கும் ஒரு பெண்ணின் துணிச்சலான பயணத்தை இப்பாடல் பிரதிபலிக்கிறது. அநீதிக்கு எதிராகப் போராடும் ஒவ்வொருவருக்கும் ஒரு சிறந்த உத்வேக கீதமாக இது அமைந்துள்ளது.
