கொழும்பில் உள்ள ஒரு தனியார் இறுதிச் சடங்கு இல்லத்தில் அஞ்சலிக்காக வைக்கப்பட்டுள்ள முன்னாள் பொலிஸ் மா அதிபர் சி.டி. விக்ரமரத்னவின் உடலுக்கு இறுதி அஞ்சலி செலுத்த முன்னாள் ஜனாதிபதி ரணில் விக்ரமசிங்க அஞ்சலி செலுத்தியுள்ளார்.
நாட்டின் 35வது பொலிஸ் மா அதிபரான அவர், 17ஆம் திகதி காலையில் தனது இல்லத்தில் தலையில் துப்பாக்கிச் சூட்டுக் காயத்தால் உயிரிழந்தார்.
அவரது மரணம் தற்கொலையாக இருக்கலாம் என சந்தேகிக்கப்படுகிறது.
மேலும், அவர் தனது பாதுகாப்பு அதிகாரியின் துப்பாக்கியால் தன்னைத்தானே சுட்டுக் கொண்டிருக்கலாம் என காவல்துறை சந்தேகிக்கிறது.
இருப்பினும், சி.டி. விக்ரமரத்னவின் இறுதிச் சடங்குகள் நாளை (20) முழு காவல்துறை மரியாதைகளுடன் நடைபெறும் எனத் திட்டமிடப்பட்டுள்ளது.
