பிரித்தானியாவின் ஆளும் தொழிற்கட்சியின் புதிய தலைவராகத் தெரிவு செய்யப்பட்டுள்ள Andy Burnham இன்று உத்தியோகபூர்வமாக ஐக்கிய இராச்சியத்தின் 59 ஆவது பிரதமராகப் பதவியேற்கவுள்ளார்.
மன்னர் சார்ள்ஸைச் (Charles ) சந்தித்துத் தற்போதைய பிரதமர் கீர் ஸ்டார்மர் தனது பதவி விலகல் கடிதத்தைக் கையளித்ததை அடுத்து, Andy Burnham புதிய பிரதமராகப் பொறுப்பேற்கவுள்ளார்.
இதனையடுத்து டவுனிங் வீதியில் அவர் ஆற்றவுள்ள முதலாவது உத்தியோகபூர்வ உரையில், வாழ்க்கைச் செலவு நெருக்கடியால் பாதிக்கப்பட்டுள்ள மக்களுக்கு அதிக நிம்மதியை வழங்குவதாக உறுதியளிக்கவுள்ளார்.
இதேவேளை, Andy Burnham தெளிவான திட்டங்கள் எதுவுமின்றி பதவியேற்பதாக எதிர்க்கட்சித் தலைவி கெமி பேடெனோக் (Kemi Badenoch) குற்றஞ்சாட்டியுள்ளதுடன் புதிய வரிக் கொள்கைகளைத் தவிர்க்குமாறும் வலியுறுத்தியுள்ளார்.
எவ்வாறாயினும், 2024 ஆம் ஆண்டு தேர்தல் பிரகடனத்தில் அறிவிக்கப்பட்ட வாக்குறுதிகளை விட, இன்னும் விரிவான பொருளாதார மறுசீரமைப்புத் திட்டங்களுடன் புதிய பிரதமர் Andy Burnham செயற்படவுள்ளதாகத் தொழிற்கட்சியின் துணைத் தலைவி லூசி பவல் (Lucy Powell) தெரிவித்துள்ளார்.
