தடைசெய்யப்பட்ட பகுதியில் மீன்பிடித்ததாகக் கூறப்படும் குற்றச்சாட்டின் பேரில், மாலைத்தீவு கடலோரக் காவல் படையினர் மூன்று இயந்திரமயமாக்கப்பட்ட மீன்பிடிப் படகுகளைக் கைப்பற்றியதுடன், தமிழ்நாட்டின் தூத்துக்குடியைச் சேர்ந்த 25 இந்திய மீனவர்களையும் சிறைபிடித்துள்ளனர்.
தங்களைத் தாயகம் திரும்ப அழைத்துச் செல்ல நடவடிக்கை எடுக்குமாறு அந்த மீனவர்கள் மீன்வளத் துறை அதிகாரிகளிடம் கோரிக்கை விடுத்துள்ளனர்.
தாருவைகுளம் மீன்பிடித் துறைமுகத்தைச் சேர்ந்த ஏ. ரமேஷ் குமார், எஸ். சூசை பாக்கியம் மற்றும் எஸ். மைக்கேல் ஜான் சங்கர் ஆகியோருக்குச் சொந்தமானவை அந்த மூன்று விசைப்படகுகள் ஆகும். 25
மீனவர்கள் ஒக்டோபர் 9 அன்று அந்த மூன்று படகுகளிலும் ஆழ் கடல் மீன்பிடிப்புக்காகப் புறப்பட்டுச் சென்றனர்.
மாலைத்தீவு கடலோரக் காவல் படையினர் திங்கட்கிழமை (13) இரவு அவர்களைக் கைது செய்தனர்.
தகவல் கிடைத்ததும், அந்தப் படகின் உரிமையாளர்களும் மீனவர்களின் குடும்பத்தினரும் அவர்களைத் தாயகம் திரும்ப அனுமதிக்கக் கோரி, தமிழ்நாடு மீன்வளத் துறை இணை இயக்குநரிடம் மனு அளித்தனர்.
அவர்கள் தடுத்து வைக்கப்பட்டிருந்த இடத்திலிருந்து மாலைத்தீவுக்கு அழைத்துச் செல்லப்படுவதாக வெளியுறவு அமைச்சக அதிகாரிகள் தெரிவித்தனர்.
அவர்கள் மாலைத்தீவை அடைந்ததும் அவர்களைத் தொடர்புகொள்ள முடியும் என்று வட்டாரங்கள் தெரிவித்தன.
