இந்தியா மற்றும் பங்களாதேஷ் அணிகளுக்கிடையிலான இரண்டாவது டெஸ்ட் போட்டியின், மூன்றாம்நாள் ஆட்டம் நிறைவுக்கு வந்துள்ளது.
இதன்படி இரண்டாவது இன்னிங்ஸிற்காக துடுப்பெடுத்தாடிவரும் இந்தியக் கிரிக்கெட் அணி, 4 விக்கெட்டுகள் இழப்புக்கு 45 ஓட்டங்களை பெற்றுக்கொண்டது.
ஆட்டநேர முடிவில், ஜெய்தேவ் உனட்கட் 3 ஓட்டங்களுடனும் அக்ஸர் பட்டேல் 26 ஓட்டங்களுடனும் ஆட்டமிழக்காது களத்தில் இருந்தனர்.
பங்களாதேஷ் கிரிக்கெட் அணியின் 145 ஓட்டங்கள் என்ற வெற்றி இலக்குடன் ஒப்பிடுகையில், இந்தியா அணி வெற்றிபெற்ற இன்னமும் 100 ஓட்டங்கள் தேவை.
டாக்காவில் கடந்த புதன்கிழமை ஆரம்பமான இப்போட்டியில், நாணய சுழற்சியில் வெற்றிபெற்ற பங்களாதேஷ் அணி முதலில் துடுப்பெடுத்தாட தீர்மானித்தது.
இதன்படி முதலில் துடுப்பெடுத்தாடிய பங்களாதேஷ் அணி, முதல் இன்னிங்ஸிற்காக 227 ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டங்களாக, மொமினுல் ஹக் 84 ஓட்டங்களையும் முஷ்பிகுர் ரஹ்மான் 26 ஓட்டங்களையும் பெற்றுக்கொண்டனர்.
இந்தியக் கிரிக்கெட் அணியின் பந்துவீச்சில், உமேஷ் யாதவ் மற்றும் அஸ்வின் ஆகியோர் தலா 4 விக்கெட்டுகளையும் ஜெய்தேவ் உனட்கட் 2 விக்கெட்டுகளையும் வீழ்த்தினர்.
இதனைத்தொடர்ந்து, பதிலுக்கு முதல் இன்னிங்சை தொடங்கிய இந்தியக் கிரிக்கெட் அணி, 314 ஓட்டங்களை பெற்றுக்கொண்டது.
இதன்போது அணியின் அதிகப்பட்ச ஓட்டங்களாக, ரிஷப் பந்த் 93 ஓட்டங்களையும் ஸ்ரேயஸ் ஐயர் 87 ஓட்டங்களையும் பெற்றுக்கொண்டனர்.
பங்களாதேஷ் கிரிக்கெட் அணியின் பந்துவீச்சில், சகிப் அல் ஹசன் மற்றும் தைஜூல் இஸ்லாம் ஆகியோர் தலா 4 விக்கெட்டுகளையும் டஸ்கின் அஹமட் மற்றும் மெயிடி ஹசன் ஆகியோர் தலா 1 விக்கெட்டினையும் வீழ்த்தினர்.
இதனைத்தொடர்ந்து 87 ஓட்டங்கள் பின்னிலையில் தனது இரண்டாவது இன்னிங்சை தொடங்கிய பங்களாதேஷ் அணி, 231 ஓட்டங்களுக்கு சுருண்டது. இதனால், இந்தியா அணிக்கு 145 ஓட்டங்கள் வெற்றி இலக்காக நிர்ணயிக்கப்பட்டது.
இதன்போது அணியின் அதிகப்பட்ச ஓட்டங்களாக, லிடொன் தாஸ் 73 ஓட்டங்களையும் ஸகீர் ஹசன் 51 ஓட்டங்களையும் பெற்றுக்கொண்டனர்.
இந்தியக் கிரிக்கெட் அணியின் பந்துவீச்சில், அக்ஸர் பட்டேல் 3 விக்கெட்டுகளையும் அஸ்வின் மற்றும் சிராஜ் ஆகியோர் தலா 2 விக்கெட்டுகளையும் உமேஷ் யாதவ் மற்றும் உனட்கட் ஆகியோர் தலா 1 விக்கெட்டினையும் வீழ்த்தினர்.
145 ஓட்டங்கள் என்ற வெற்றி இலக்கை நோக்கி பதிலுக்கு களமிறங்கிய இந்தியக் கிரிக்கெட் அணி, இன்றைய மூன்றாம்நாள் ஆட்டநேர முடிவில், 4 விக்கெட்டுகள் இழப்புக்கு 45 ஓட்டங்களை பெற்றுக்கொண்டது.
இன்னமும் 6 விக்கெட்டுகள் வசமுள்ள நிலையில், போட்டியின் நான்காம்நாள் ஆட்டத்தை இந்தியக் கிரிக்கெட் அணி நாளை தொடரவுள்ளது.
