கர்நாடக சட்டசபை தேர்தலை முன்னிட்டு, பாரதிய ஜனதா தேசிய தலைவர் ஜே.பி.நட்டா பெங்களூருக்கு பயணம் மேற்கொள்ளவுள்ளார்.
பாரதிய ஜனதா தேசிய தலைவர் ஜே.பி.நட்டா, இன்று (வியாழக்கிழமை) மாலை பெங்களூர் வருவதனை கர்நாடக பா.ஜனதா பொதுச் செயலாளர் சித்தராஜூ உறுதிப்படுத்தியுள்ளார்.
அவர் பெங்களூர் கே.ஆர்.புராவில் நடைபெறும் விஜய சங்கல்ப யாத்திரை பொதுக்கூட்டத்தில் கலந்து கொண்டு உரையாற்றவுள்ளார்.
இதில் கட்சியின் மாநில தலைவர் நளின்குமார் கட்டீல், முதலமைச்சர் பசவராஜ் பொம்மை, அமைச்சர்கள் ஆர்.அசோக், எம்.டி.பி.நாகராஜ், பைரதி பசவராஜ், சுதாகர் உள்ளிட்டோர் கலந்து கொள்ளவுள்ளனர்.
