இந்தியன் வெல்ஸ் மாஸ்டர்ஸ் டென்னிஸ் தொடரின் ஆண்களுக்கான ஒற்றையர் பிரிவு முதல் சுற்றுப் போட்டியில், அவுஸ்ரேலியாவின் ஜோர்டான் தாம்சன் மற்றும் அர்ஜெண்டீனாவின் டியாகோ ஸ்வார்ட்ஸ்மேன் ஆகியோர் வெற்றிபெற்று இரண்டாவது சுற்றுக்கு முன்னேறியுள்ளனர்.
ஆண்களுக்கான ஒற்றையர் பிரிவு முதல் சுற்றுப் போட்டியில், அவுஸ்ரேலியாவின் ஜோர்டான் தாம்சன், பிரான்ஸின் கெயில் மான்ஃபில்சை எதிர்கொண்டார்.
இப்போட்டியில் சிறப்பாக விளையாடிய ஜோர்டான் தாம்சன், 6-3, 6-1 என்ற நேர் செட் கணக்குகளில் வெற்றிபெற்று இரண்டாவது சுற்றுக்கு முன்னேறினார்.
மற்றொரு ஆண்களுக்கான ஒற்றையர் பிரிவு முதல் சுற்றுப் போட்டியில், அர்ஜெண்டீனாவின் டியாகோ ஸ்வார்ட்ஸ்மேன், சகநாட்டு வீரரான ஃபெடரிகோ கோரியாவுடன் மோதினார்.
இப்போட்டியில், டியாகோ ஸ்வார்ட்ஸ்மேன், 6-1, 6-2 என்ற நேர் செட் கணக்குகளில் எளிதாக வெற்றிபெற்று இரண்டாவது சுற்றுக்கு தகுதிபெற்றார்.
