மண்டபம் இலங்கை தமிழர் மறுவாழ்வு முகாமில் தங்கி இருந்த இரண்டு இலங்கை தமிழர்கள் சட்டவிரோதமாக இலங்கைக்கு தப்பி சென்றுள்ளதாக தமிழக உளவுத்துறை அதிகாரிகள் தீவிர விசாரணை மேற்கொண்டு வருகின்றனர்.
யாழ்ப்பாணத்தை சேர்ந்த வாசுதன் மற்றும் புஷ்பராஜ் ஆகிய இருவரும் இலங்கையில் ஏற்பட்ட இறுதி கட்ட போரின் போது தமிழகத்திற்கு அகதியாக சென்று ராமேஸ்வரம் அடுத்துள்ள மண்டபம் இலங்கைத் தமிழர் மறுவாழ்வு முகாமில் குடும்பத்துடன் வசித்து வருகின்றனர்.
இவர்கள் இருவரும் தங்கி மீன்பிடி தொழில் செய்து வருகின்றனர். வாசுதன் மீது குற்ற வழக்குகள் சில நிலுவையில் இருந்து வந்த நிலையில் இவர்கள் இருவரும் கடந்த இரண்டு நாட்களுக்கு முன்பு மீன் பிடிக்க கடலுக்கு சென்று மாயமாகினர்.
இது குறித்து இலங்கை தமிழர் மறுவாழ் முகாமில் உள்ள வாசுதன் மனைவியிடம் உளவுத்துறை அதிகாரிகள் விசாரணை செய்த போது அவர்கள் இருவரும் மீன் பிடிக்க சென்று கரை திரும்பவில்லை என தெரிவித்திருந்த நிலையில் இவர்கள் இருவரும் இலங்கைக்கு சட்டவிரோதமாக படகில் தப்பி சென்றது தெரியவந்துள்ளது.
மண்டபம் இலங்கை தமிழர் மறுவாழ் முகாமில் இருந்து தப்பிச் சென்ற இருவர் குறித்து இந்திய பாதுகாப்பு மற்றும் உளவுத்துறை அதிகாரிகள் இலங்கை பாதுகாப்பு துறை அதிகாரிகளை தொடர்பு கொண்டு தகவல் தெரிவித்தன் அடிப்படையில் தமிழகத்தில் இருந்து தப்பிச் இருவரை யாழ்பாணம் பகுதியில் இலங்கையில் விசாரணைகள் ஆரம்பிக்கப்பட்டுள்ளதாக தமிழக செய்திகள் தெரிவிக்கின்றன.
