இலங்கை-ஆப்கானிஸ்தான் அணிகளுக்கு இடையிலான முதலாவது ஒரு நாள் போட்டி அம்பாந்தோட்டையில் இன்று (வெள்ளிக்கிழமை) ஆரம்பமாகவுள்ளது.
இலங்கைக்கு சுற்றுப்பயணம் மேற்கொண்டுள்ள ஹஷ்மத்துல்லா ஷகிடி தலைமையிலான ஆப்கானிஸ்தான் கிரிக்கெட் அணி 3 போட்டிகள் கொண்ட ஒரு நாள் தொடரில் பங்கேற்கவுள்ளது.
அதன்படி ஆப்கானிஸ்தான் அணியில் ரமனுல்லா குர்பாஸ், இப்ராகிம் ஹட்ரன், முகமது நபி, முஜீப் ரகுமான், நூர் அகமது இடம்பெற்றுள்ள நிலையில் சுழற்பந்து வீச்சாளர் ரஷித்கான் முதுகுவலியால் அவதிப்படுவதால் முதல் இரு போட்டிகளில் விளையாடமாட்டார் என அறிவிக்கப்பட்டுள்ளது.
மேலும் ஐ.பி.எல். போட்டிகளில் சென்னை சுப்பர் கிங்சுக்காக விளையாடிய மதீஷா பதிரான ஒரு நாள் போட்டியில் அறிமுக வீரராக இடம் பிடித்துள்ளார்.
இன்றைய போட்டியில் அவரது பந்து வீச்சு தாக்கத்தை ஏற்படுத்தும் எனவும் எதிர்பார்க்கப்படுகின்றது
இதேவேளை இவ்விரு அணிகளும் இதுவரை 7 ஒரு நாள் போட்டிகளில் மோதியுள்ளன. இதில் 04 போட்டிகளில் இலங்கை அணியும் 02-போட்டிகளில் ஆப்கானிஸ்தான் அணியும் வெற்றி பெற்றுள்ளமை குறிப்பிடத்தக்கது. .
