ரஷ்யாவுடனான அதன் எல்லைக் கடப்புகளில் ஒன்றைத் தவிர மற்ற அனைத்தையும் மூடுவதாக பின்லாந்து அறிவிப்பு!

புலம்பெயர்ந்தோரின் வருகை அதிகரித்த பின்னர், ரஷ்யாவுடனான அதன் எல்லைக் கடப்புகளில் ஒன்றைத் தவிர மற்ற அனைத்தையும் மூடுவதாக ஃபின்லாந்து அறிவித்துள்ளது.

வெள்ளிக்கிழமை இறுதி வரை, ரஷ்யாவுடனான அதன் வடக்கு எல்லையான ராஜா-ஜூசெப்பி மட்டுமே திறந்திருக்கும் என்று ஃபின்லாந்து பிரதமர் பெட்டேரி ஓர்போ நேற்று (புதன்கிழமை) அறிவித்தார்.

செப்டெம்பர் மற்றும் ஒக்டோபர் மாதங்களில் ஒரு சில டசன் புகலிடக் கோரிக்கையாளர்களுடன் ஒப்பிடுகையில், நவம்பரில் ரஷ்யா வழியாக 600க்கும் மேற்பட்ட புகலிடக் கோரிக்கையாளர்கள் பின்லாந்துக்குள் நுழைந்துள்ளனர்.

அவர்கள் பெரும்பாலும் யேமன், ஆப்கானிஸ்தான், கென்யா, மொராக்கோ, பாகிஸ்தான், சோமாலியா மற்றும் சிரியா போன்ற நாடுகளைச் சேர்ந்தவர்கள் என்று எல்லை அதிகாரிகள் தெரிவித்தனர்.

பெரும்பாலானவர்கள் 20 வயதிற்குட்பட்ட இளைஞர்கள், ஆனால் சிலர் குழந்தைகளைக் கொண்ட குடும்பங்கள், எல்லைப் பாதுகாப்புத் தரவுகள் மற்றும் செய்தி நிறுவனங்களின் புகைப்படங்கள் காட்டியது.

பின்லாந்து எல்லைக் காவலர்களும் சிப்பாய்களும் சில கடக்கும் இடங்களில் முட்கம்பிகளால் கட்டப்பட்ட கான்கிரீட் தடைகள் உட்பட தடைகளை அமைக்கத் தொடங்கியுள்ளனர் என்றும் அதிகாரிகள் தெரிவித்தனர்.