இலங்கை கடற்பரப்பிற்குள் அத்துமீறி நுழைந்து மீன்பிடியில் ஈடுபட்ட குற்றச்சாட்டில் 23 இந்திய மீனவர்கள் கைது செய்யப்பட்டுள்ளனர்.
அதன்படி யாழ் – நெடுந்தீவு கடற்பரப்பிற்கு அப்பாற்பட்ட வடக்குக் கடற்பரப்பில் கடற்படையினர் மேற்கொண்ட சோதனை நடவடிக்கையின் போதே குறித்த இந்திய மீனவர்கள் கைது செய்யப்பட்டுள்ளனர்.
அத்துடன் அவர்களின் இரு மீன்பிடிப் படகுகளும் கைப்பற்றப்பட்டுள்ளன.
அதையடுத்து, கைப்பற்றப்பட்ட இரு மீன்பிடிப் படகுகளுடன், கைது செய்யப்பட்ட 23 இந்திய மீனவர்களும், காங்கேசன்துறை துறைமுகத்திற்கு அழைத்து வரப்பட்டுள்ளனர்.
இந்நிலையில், மேலதிக நடவடிக்கைகளுக்காக அவர்களை மயிலிட்டி கடற்றொழில் பரிசோதகரிடம் ஒப்படைக்க நடவடிக்கை எடுத்துள்ளதாக கடற்படை ஊடகப் பிரிவு குறிப்பிட்டுள்ளது.
