இலங்கை அணிக்கு எதிரான T20 தொடருக்காக இப்ராஹிம் சத்ரான் தலைமையிலான 16 பேர் கொண்ட ஆப்கானிஸ்தான் அணி அறிவிக்கப்பட்டுள்ளது.
கடந்த ஆண்டு முதுகு அறுவை செய்துகொண்ட ரஷித் கான் இன்னும் குணமடையாத காரணத்தினால் இலங்கை அணிக்கு எதிரான தொடருக்கான அணிக்குள் அவர் உள்வாங்கப்படவில்லை.
அத்தோடு ஒருநாள் போட்டியின் போது வலது கையில் ஏற்பட்ட சுளுக்கில் இருந்து குணமடையாத முஜீப் உர் ரஹ்மானும் 16 பேர் கொண்ட அணியில் இடம்பெறவில்லை.
இலங்கை மற்றும் ஆப்கானிஸ்தான் அணிகளுக்கு இடையிலான T20 தொடர் பெப்ரவரி 17ஆம் திகதி தம்புள்ளையில் ஆரம்பமாகவுள்ளது. இதன்பின்னர் இரண்டாவது போட்டி 19 ஆம் திகதியும் 3 ஆவது T20 போட்டி 21ஆம் திகதியும் நடைபெறவுள்ளன.
இப்ராஹிம் சத்ரான், ரஹ்மானுல்லா குர்பாஸ், மொஹமட் இஷாக் ரஹிமி, ஹஸ்ரதுல்லாஹ் சசாய், குல்படின் நைப், மொஹமட் நபி, நஜிபுல்லா சத்ரான், அஸ்மத்துல்லா ஓமர்சாய், கரீம் ஜனத், ஷரபுதீன் அஷ்ரஃப், பைசல் ஹக் பாரூக்கி, ஃபரீத் அஹ்மத், நவீன் உல் ஹக், நூர் அஹ்மத், வஃபாதர் மொமண்ட் மற்றும் குவைஸ் அஹ்மத் ஆகியோர் அணியில் இடமபெற்றுள்ளனர்.
