ஹம்பாந்தோட்டை, குடாவெல்ல மீன்பிடி துறைமுகத்தில் நிறுத்தி வைக்கப்பட்டிருந்த மீன்பிடி படகில் இன்று (21) காலை ஏற்பட்ட தீ விபத்தில் மூன்று மீன்பிடி படகுகள் சேதமடைந்துள்ளன.
பல நாள் மீன்பிடி படகான “துஷானி”யில் தீ பரவியதாகவும், அதனால் குறித்த படகு முற்றாக தீக்கிரையாகியுள்ளதாகவும் தெரிவிக்கப்படுகின்றது.
முற்றாக தீக்கிரையான படகுக்கு அருகில் நிறுத்தி வைக்கப்பட்டிருந்த ஏனைய இரு மீன்பிடி படகுகளும் இந்த தீ விபத்தினால் சோதமடைந்துள்ளன.
எரிவாயு கசிவு காரணமாக தீ விபத்து ஏற்பட்டிருக்கலாம் என பொலிஸார் சந்தேகிக்கின்றனர்.
சம்பவம் தொடர்பான மேலதிக விசாரணைகளை தங்காலை தலைமையக பொலிஸார் மேற்கொண்டு வருகின்றனர்.
