வேல்ஸில் திங்கட்கிழமை (21) பயணிகள் ரயில்கள் இரண்டு ஒன்றுடன் ஒன்று மோதி விபத்துக்குள்ளாகியுள்ளது.
இந்த விபத்தில் ஒருவர் உயிரிழந்ததுடன், 15 பேர் காயமடைந்ததாக வேல்ஸ் போக்குவரத்து பொலிஸார் தெரிவித்துள்ளனர்.
மத்திய வேல்ஸில் உள்ள Llanbrynmair கிராமத்திற்கு அருகே திங்கள்கிழமை மாலை இந்த விபத்து ஏற்பட்டுள்ளது.
விபத்தில் காயமடைந்தவர்கள் அருகிலுள்ள வைத்தியசாலைகளில் அனுமதிக்கப்பட்டதாகவும், அவர்களில் எவருக்கும் பலத்த காயம் ஏற்படவில்லை என்றும் தெரிவிக்கப்பட்டுள்ளது.
