ஏ.ஆர்.முருகதாஸ் இயக்கத்தில் சிவகார்த்திகேயன் நடிக்கும் புதிய திரைப்படத்தின் பெயரை படக்குழு அறிவித்துள்ளது.
மேலும், திரைப்படத்தின் டீசரும் வெளியிடப்பட்டுள்ளது.
‘அமரன்’ படத்தை தொடர்ந்து சிவகார்த்திகேயன் நடிக்கும் படத்தை இயக்குகிறார் ஏ.ஆர்.முருகதாஸ்.
‘தர்பார்’ படத்தை தொடர்ந்து 5 ஆண்டுகளுக்குப் பின் மீண்டும் அவர் இயக்குநராக களமிறங்குகிறார்.
இந்தப் படத்துக்கு அனிருத் இசையமைக்கிறார்.
சிவகார்த்திகேயனுடன் ருக்மிணி வசந்த், வித்யுத் ஜம்வால், பிஜு மேனன், ஷபீர் கல்லரக்கல், விக்ராந்த் உள்ளிட்ட பலர் நடிக்கின்றனர்.
ஸ்ரீலக்ஷமி மூவிஸ் நிறுவனம் திரைப்படத்தை தயாரிக்கிறது.
இந்தப் படத்துக்கு ‘மதராசி’ என பெயரிடப்பட்டுள்ளது.
சிவகார்த்திகேயனின் பிறந்த நாளை முன்னிட்டு இன்று திரைப்படத்தின் பெயரும், டீசரும் வெளியாகியுள்ளது.
படத்தின் படப்பிடிப்பு முடிந்த நிலையில் இறுதிக்கட்ட பணிகள் நடைபெற்று வருகின்றன.
