2022 ஆம் ஆண்டு தமிழீழ விடுதலைப் புலிகள் (LTTE) அமைப்புக்கு நிதி திரட்ட முயன்ற வழக்கில் கைது செய்யப்பட்ட இலங்கைப் பெண் மேரி பிரான்சிஸ்கா லட்சுமணனை விசாரிக்க அமுலாக்க பணியகத்துக்கு சென்னையில் உள்ள சிறப்பு NIA நீதிமன்றம் அனுமதி அளித்துள்ளது.
2021 ஆம் ஆண்டு முதல், மேரி பிரான்சிஸ்கா சென்னை புழல் மத்திய சிறையில் அடைக்கப்பட்டுள்ளார்.
சென்னை நீதிமன்றம் செப்டம்பர் 17 அன்று ஒரு உத்தரவைப் பிறப்பித்தது.
அதன்படி, அடுத்த ஏழு நாட்களில் இரண்டு நாட்கள் மேரி பிரான்சிஸ்காவை விசாரிக்க அமுலாக்கத்துறைக்கு அனுமதி அளிக்கப்பட்டுள்ளது.
2022 ஆம் ஆண்டு தாக்கல் செய்யப்பட்ட LTTE பயங்கரவாத நிதி வழக்கில் அமுலாக்க பணியகம் இந்த வழக்கினை தாக்கல் செய்துள்ளது.
இலங்கையைச் சேர்ந்த லட்சுமணன் மேரி பிரான்சிஸ்கா 2019 டிசம்பர் 16, அன்று சுற்றுலா விசாவில் இந்தியாவுக்குள் நுழைந்தார்.
மத்திய புலனாய்வு நிறுவனங்களின்படி அவரது நோக்கம், போலி ஆவணங்களைப் பயன்படுத்தி இந்திய புகைப்பட அடையாள அட்டைகளைப் பெறுவதும், அவர் தங்கியிருப்பதை நீடிப்பதும் ஆகும்.
இந்த நிதி, இலங்கையிலும் பிற இடங்களிலும் தமிழீழ விடுதலைப் புலிகள் (LTTE) மறுமலர்ச்சிக்கு பயன்படுத்தப்பட இருந்ததாக தேசிய புலனாய்வு நிறுவனம் (NIA) குற்றம் சாட்டியுள்ளது.
ஆனால், 2021 ஒக்டோபர் 2 அன்று சென்னை விமான நிலையத்தில் பிரான்சிஸ்கா தடுத்து நிறுத்தப்பட்ட பின்னர், அவரது முயற்சி தோல்வியடைந்தது.
அன்றிலிருந்து அவர் நீதிமன்றக் காவலில் உள்ளார்.
தற்போது, LTTE அமைப்பை மீண்டும் உயிர்ப்பிக்க முயற்சித்ததாகக் கூறப்படும் பணமோசடி விசாரணையின் ஒரு பகுதியாக அமுலாக்க பணியகம் அவரிடம் விசாரிக்க உள்ளதாக இந்திய ஊடகங்கள் செய்தி வெளியிட்டுள்ளன.
பிரான்சிஸ்கா அடைத்து வைக்கப்பட்டுள்ள சென்னை புழல் மத்திய சிறையில் அடுத்த வாரம் விசாரணை நடைபெறும்.
