திருகோணமலை உற்துறைமுக கடற்பரப்பில் கட்டுவலைகள் மூலமாக மீன்பிடியில் ஈடுபடும் மீனவர்கள் தமது வலைகளை சிலர் வெட்டுவதாகவும் அங்குள்ள மீன்களை களவாடுவதாகவும் தம் வலைகளை சேதப்படுத்துவதாகவும் தெரிவித்து இன்று (24) கடற்றொளில் நீரியல் வளத்துறை திருகோணமலை அலுவலகத்திற்கு முன்பாக ஆர்ப்பாட்டத்தில் ஈடுபட்டுள்ளனர்.
கடந்த சில வருடங்களாக தமது தொழில் முறைகளுக்கு சிலர் இடையூறுவிளைவித்து வருவதாகவும் அவர்கள் தொடர்பாக பொலிஸாரிடம் முறையிட்ட போதிலும் இதுவரை சட்ட நடவடிக்கை முன்னெடுக்கப்படவில்லை எனவும் தமக்கு அநீதி இளைக்கப்பட்டதாகவும் குறிப்பிட்டு ஆர்ப்பாட்டத்தில் ஈடுபட்டனர்.
இதுதொடர்பாக பல மட்டங்களுக்கு தெரியப்படுத்திய போதிலும் நடவடிக்கைகள் எடுக்கப்பட்டாலும் சட்டத்தில் காணப்படும் சில நுணுக்கங்கள் ஊடாக குற்றங்களில் ஈடுபடுவோர் தப்பித்து மீண்டும் மீண்டும் தொடர்ச்சியான குற்றங்களை புரிந்து வருவதாகவும் ஆர்ப்பாட்டத்தில் ஈடுபட்டவர்கள் தெரிவித்தனர்.
சூசையப்பர் கடற்றொளிலாளர் கூட்டுறவு சங்கத்தினரால் திருகோணமலை மாவட்ட கடற்றொழில் நீரியல் வளத்துறைத் திணைக்களத்தின் உதவிப்பணிப்பாளரிடம் தமது கோரிக்கைகள் அடங்கிய மகஜர் கடிதம் ஒன்றினை ஒப்படைத்தனர்.
