மலையகத்தின் பிரதான சூரிய பொங்கல் மகோற்சவம் இன்று அதிகாலை ஹற்றன் ஸ்ரீ மாணிக்கப் பிள்ளையார் கோவிலில் மிக விமரிசையாக நடைபெற்றது.
இந்த புண்ணிய மகோற்சவம் கோவிலின் பிரதம குருக்கள் சன் மதுர குருக்கள் தலைமையில், பெருமளவிலான பக்தர்களின் பங்கேற்புடன் இடம்பெற்றது.
சூரிய உதயத்துடன் கலாசார முறைப்படி கோவில் வளாகத்தில் பொங்கல் சமைக்கப்பட்டதுடன், அதனைத் தொடர்ந்து அந்தப் பொங்கல் படைத்து சூரிய பகவானுக்கு சமர்ப்பித்து ஆசீர்வாதம் பெறும் நிகழ்வு நடைபெற்றது.
தோட்டப்பகுதிகளில் உள்ள லயன் குடியிருப்புகள் மற்றும் தேயிலைத் தோட்டங்களில் பணிபுரியும் ஏராளமான இந்து பக்தர்கள் புத்தாடை அணிந்து, சமய வழிபாடுகளில் ஈடுபட்டவாறு இவ்விழாவில் கலந்துகொண்டனர்.
உலக மக்கள் அனைவருக்கும் அமைதி, மகிழ்ச்சி மற்றும் சுபீட்சம் கிடைக்க வேண்டுமெனப் பிரார்த்தித்து நடத்தப்பட்ட இந்த விசேட பூஜை காரணமாக, இன்றைய தினம் ஹற்றன் நகரம் மற்றும் அதனைச் சூழவுள்ள பகுதிகளில் விழாக்கோலம் பூண்டிருந்தது.
