பெரும் எதிர்பார்ப்பு மிக்க 2026 இந்தியன் பிரீமியர் லீக் தொடரில் வான்கடே மைதானத்தில் நேற்றிரவு நடந்த போட்டியில் சென்னை சூப்பர் கிங்ஸ் அணியானது 103 ஓட்டங்களினால் மும்பை இந்தியன்ஸ் அணியை தோற்கடித்தது.
இந்தப் போட்டியில் சென்னை அணியின் தொடக்க ஆட்டக்காரர் சஞ்சு சாம்சன் நடப்பு சீசனில் தனது இரண்டாவது சதத்தை அடித்தார்.
நேற்றிரவு 07.30 மணிக்கு ஆரம்பமான இப் போட்டியில் முதலில் துடுப்பாட்டம் செய்ய அழைக்கப்பட்ட ஐந்து முறை சாம்பியனான சென்னை அணி, மும்பையின் வான்கடே மைதானத்தில் சாம்சனின் 54 பந்துகளில் ஆட்டமிழக்காமல் எடுத்த 101 ஓட்டங்கள் என்ற உதவியுடன் 6 விக்கெட் இழப்பிற்கு 207 ஓட்டங்களை குவித்தது.
பின்னர் கடினமான இலக்கினை நோக்கி, பதிலுக்கு துடுப்பெடுத்தாடிய மும்பை அணி, முதல் மூன்று ஓவர்களிலேயே குயின்டன் டி கொக் ஏழு ஓட்டங்களுடன் ஆட்டமிழந்தது உட்பட மூன்று விக்கெட்டுகளை இழந்து, 11-3 என்ற நிலைக்குச் சரிந்தது.
இம்பாக்ட் அணிக்கு மாற்றாகக் களமிறங்கிய இடது கை சுழற்பந்து வீச்சாளரான ஹொசைன், அந்த மூன்று விக்கெட்டுகளில் இரண்டைக் கைப்பற்றினார்.
36 ஓட்டங்கள் எடுத்த சூர்யகுமார் யாதவும், 37 ஓட்டங்கள் எடுத்த திலக் வர்மாவும் இணைந்து 73 ஓட்டங்கள் இணைப்பாட்டம் அமைத்து அணியை மீண்டும் கட்டமைக்க முயன்றனர்.
ஆனால் சென்னையின் நேர்த்தியான பந்துவீச்சால் வெற்றிக்குத் தேவையான ஓட்ட விகிதம் தொடர்ந்து அதிகரித்துக்கொண்டே இருந்தது.
தந்திரமாக மீண்டும் பந்துவீசிய அகீல் ஹொசைன், திலக் வர்மாவை 37 ஓட்டங்களுடன் ஆட்டமிழக்கச் செய்து அந்த இணைப்பாட்டத்தை முறியடித்தார்.
அதையடுத்து மும்பை அணியின் விக்கெட்டுகள் தொடர்ந்து சரிந்தன.
ஹொசைன் தனது நான்காவது விக்கெட்டாக சூர்யகுமார் யாதவ்வை ஆட்டமிழக்கச் செய்தார், அதோடு துடுப்பாட்ட வரிசையும் சரிந்தது.
இறுதியாக மும்பை அணியானது 19 ஓவர்களில் அனைத்து விக்கெட்டுகளையும் இழந்து 104 ஓட்டங்களை மாத்திரம் எடுத்தது.
போட்டியின் ஆட்டநாயகனாக சஞ்சு சாம்சன் தெரிவானார்.
இந்த மிகப்பெரிய வெற்றி வித்தியாசம் சென்னையின் நிகர ஓட்ட விகிதத்தை உயர்த்தி, 10 அணிகள் கொண்ட புள்ளிப் பட்டியலில் அவர்களை ஐந்தாவது இடத்திற்குக் கொண்டு சென்றது.
அதேநேரம், ஏழு போட்டிகளில் ஐந்து தோல்விகளுடன் மும்பை எட்டாவது இடத்திற்குச் சென்றது.
