போக்குவரத்து கட்டுப்பாடு மற்றும் வீதிப் பாதுகாப்புப் பிராந்தியத்திற்குப் பொறுப்பான பிரதி பொலிஸ் மா அதிபரின் ஆலோசனையின் அடிப்படையில், 2026.05.19 அன்று களுத்துறை தெற்கு பொலிஸ் பிரிவில், களுத்துறை தெற்கு பொலிஸ் நிலைய அதிகாரிகள் தேசிய போக்குவரத்து மருத்துவ நிறுவன அதிகாரிகளுடன் இணைந்து பயணிகள் போக்குவரத்து பேருந்துகளின் ஓட்டுநர்கள் மற்றும் நடத்துநர்களை பரிசோதிக்கும் விசேட நடவடிக்கையொன்றை மேற்கொண்டனர்.
இதன்போது, போதைப்பொருள் பயன்படுத்திய நிலையில் பயணிகள் போக்குவரத்து பேருந்துகளில் சேவையில் ஈடுபட்டிருந்த 08 சாரதிகளும், நடத்துநர் ஒருவரும் கைது செய்யப்பட்டு களுத்துறை தெற்கு பொலிஸ் நிலையத்திற்கு அழைத்துச் செல்லப்பட்டுள்ளனர்.
சந்தேகநபர்கள் 35 முதல் 57 வயதுக்குள் உடையவர்கள் ஆவர். அவர்கள் பயாகல, யட்டியான, தொடங்கொட, தெபுவன, மீகஹதென்ன மற்றும் களுத்துறை தெற்கு பகுதிகளில் வசிப்பவர்கள் என தெரிவிக்கப்பட்டுள்ளது.
களுத்துறை தெற்கு பொலிஸார் மேலதிக விசாரணைகளை மேற்கொண்டு வருகின்றனர்.
