இப்பருவகாலத்திற்கான இங்கிலிஸ் பீரிமியர் லீக் போட்டிகள் இம் மாதம் 30 திகதியுடன் நிறைவுக்கு வருகிறது.
அந்த வகையில் ஆர்சனல் அணி கிறிஸ்டல் பெலஸ் அணியுடன் பலப்பரீட்சை நடாத்தியது.
இப்போட்டியில் வெற்றிப்பெற்றால் புள்ளிகள் அடிப்படையில் கிண்ணம் உறுதி என்ற நிலையில் களமிறங்கிய அவ்வணிக்கு போட்டியின் 41வது நிமிடத்தில் ஆர்சனல் அணியின் கேப்ரியல் ஜீசஸ் சிறப்பான கோல் ஒன்றினை பதிவு செய்து 1-0 என அணியை முன்னிலைப்படுத்தினார்.
முதல் பாதி நிறைவடைந்து இரண்டாவது பாதி தொடங்கிய அடுத்த 2வது நிமிடமே நொனி மடுகே தனது பங்கிற்கு ஒரு கோலினை பதிவு செய்து 2-0 என ஆர்சனல் அணியை முன்னிலைப்படுத்தி அசத்தினார்.
இதற்கு பதிலடி கொடுக்க கிறிஸ்டல் பெலஸ் அணி பல முயற்சிகளை மேற்கொண்டது. இதற்கு பலனாக போட்டியின் கடைசி தருணத்தில் அதாவது 88வது நிமிடத்தில் ஜுன் பிலிப்பே மடேடா ஆறுதல் கோல் ஒன்றினை பதிவு செய்து 2-1 என போட்டியை மாற்றினார்.
இருந்தும் மேலதிக நிமிடத்தில் கோலினை பதிவு செய்ய முடியாததால் 2-1 என கிறிஸ்டல் பெலஸ் அணியை வீழ்த்தி இப்பருவகாலத்திற்கான இங்கிலிஸ் பீரிமியர் லீக் கிண்ணத்தை கைப்பற்றி அசத்தியது ஆர்சனல் அணி
