ஜூலை 6 முதல் 8 வரை நடைபெற்ற தனது மூன்று நாடுகளுக்கான பயணத்தின் இந்தோனேசியப் பகுதியை நிறைவு செய்த பின்னர், இந்தியப் பிரதமர் நரேந்திர மோடி புதன்கிழமையன்று (08) அவுஸ்திரேலியாவின் மெல்போர்ன் நகருக்குப் புறப்பட்டார்.
பிரதமர் நரேந்திர மோடி புதன்கிழமையன்று அவுஸ்திரேலியாவில் இருப்பார்.
இது பிரதமர் மோடியின் மூன்றாவது அவுஸ்திரேலியப் பயணமாகும்; மேலும், 12 ஆண்டுகளுக்குப் பின்னர் அவர் மெல்போர்னுக்குச் செல்லவுள்ளார்.
அவர் கடைசியாக 2014-ஆம் ஆண்டு நவம்பரில் மெல்போர்னுக்கும், 2023-ஆம் ஆண்டு மே மாதம் அவுஸ்திரேலியாவுக்கும் பயணம் மேற்கொண்டிருந்தார்.
புதன்கிழமை முன்னதாக, இந்திய-இந்தோனேசிய கலாச்சார ஒத்துழைப்பில் ஒரு முக்கிய மைல்கல்லாக, சுமார் 1,000 ஆண்டுகள் பழமையான பிரம்பனன் (Prambanan) கோயிலின் சீரமைப்புத் திட்டத்தை பிரதமர் மோடியும் இந்தோனேஷிய ஜனாதிபதி பிரபோவோவும் தொடங்கி வைத்தனர்.
தென்கிழக்கு ஆசியாவின் மிக முக்கியமான இந்து பாரம்பரியத் தலங்களில் ஒன்றான இக்கோயில், யுனெஸ்கோ (UNESCO) உலகப் பாரம்பரியத் தலமாகவும் அங்கீகரிக்கப்பட்டுள்ளது.
பிரதமர் மேற்கொள்ளும் அவுஸ்திரேலியப் பயணத்தின்போது, அந்நாட்டுப் பிரதமர் அல்பனீஸுடனான சந்திப்புகளில் பல்வேறு முடிவுகள் வெளிப்படும் என்று அவுஸ்திரேலியாவுக்கான இந்திய உயர் ஆணையர் நாகேஷ் சிங் குறிப்பிட்டுள்ளார்.
